Ijabanaa Blogs

Ergaa Abdulhakim Awel irraa

Obboleewwan koo dhiiraa fi dubartoota kabajamoo hundumaaf.

Obboleewwan koo, sirriitti dubbisuun hundumaaf baay’ee murteessaa dha.

Faayidaawwan Ilaalcha Gaarii Qabaachuu
Faayidaawwan ilaalcha gaarii baay’eedha, akkasumas salphaatti arguun ni danda’ama. Garuu wanti salphaatti mul’atu salphaatti dagatamuu yookiin dhabamuu danda’a.

Muraasa cuqaasuuf:

• Ilaalchi gaariin oomishaa dabala,
• Hojii garee cimsa,
• Rakkoolee fura,
• Qulqullina fooyyessa,
• Haala nama gammachiisu uuma,
• Amanamummaa horata,
• Bu’aa dabala,
• Walitti dhufeenya hojjettootaa, abbootii hojii fi maamiltoota waliin fooyyessa,
• Dhiphina xiqqeessa,
• Nama miseensa hawaasaa bu’aa qabeessa fi biyya isaatiif qabeenya ta’uuf gargaara,
• Akkasumas nama dhuunfaaf amala miidhagaa kenna.

Bu’aawwan Ilaalcha Hamaa Qabaachuu
Jireenyi keenya gufuuwwan hedduu qaba, ilaalcha hamaa qabaachuun immoo gufuu keenya isa guddaa nuti ofii keenyaaf uumnu taana.

Namoonni ilaalcha hamaa qaban:

• Hiriyummaa,
• Hojii,
• Gaa’ilaa fi
• Walitti dhufeenya eeguuf rakkatu.

Ilaalchi isaanii gara hadha, gufuu, jireenya kaayyoo hin qabne, dhukkuba, akkasumas dhiphina guddaatti isaan geessa.

~ Yeroo baay’ee sammuu cimaa fi murtoo gaarii walitti makna.
~ Namni tokko sammuu cimaa qabaatee, garuu murtoo gaarii dhabuu danda’a.
~ Gorsitoota kee of eeggannoon filadhu, murtoo kee itti fayyadami.

Namni tokko barnoota qabaatee yookiin dhabeetu milkaa’uu danda’a yoo “C” shan kana qabaate:

1. Amala (Character)
2. Kutannoo (Commitment)
3. Amantaa Cimaa (Conviction)
4. Kabaja (Courtesy)
5. Jaajjummaa (Courage)

Of eeggadhaa! Yaadota kana baay’ee namatti tolaa.

Wallaalummaa

Beekumsa fakkeessuun barnoota miti, garuu wallalummaa dha. Namoonni gowwoonni ofitti amanamummaa addaa kan wallalummaa irraa dhufu qabu. Wallaluun salphina guddaa miti, garuu barachuuf yookiin wantoota sirnaan hojjechuuf fedhii dhabuun salphina dha.

Pooronoogiraafii:

Gochi kun hawaasa keenya keessa babal’achaa jira. Pooronoogiraafiin dubartootaa fi daa’imman nama ta’uu dhabsiisuu malee homaa miti. Bu’aan pooronoogiraafii:
1. Dubartoota nama ta’uu dhabsiisa.
2. Daa’imman miidha.
3. Gaa’ila diiga.
4. Humna saalaan raawwatamu jajjabeessa.
5. Amalootaa fi duudhaalee gaarii xiqqeessa.
6. Dhuunfaa, maatii fi hawaasa balleessa.

Milkaa’inni kaayyoo gaarii tokko galmaan ga’uu dha.

Kennaa Guddaa

Ilmi namaa, uumamtoota hundumaa keessaa, qaamaan kan adduunyaa kanaaf gadi bu’aa ta’e dha. Akkuma simbirroo balali’uu hin danda’u, sanyii xiqqoo tokkoon ajjeefamuu danda’a, leenca hin fiigu, bishaan keessa akka bofaa hin dhedheebuu, mukatti akka jaartii hin koru, ija risaa hin qabu, akkasumas qeensa yookiin ilkaan allaattii hin qabu. Qaamaan, ilmi namaa humna hin qabu fi of-eeguu hin danda’u. Garuu uumamni ogummaa fi gaarummaa qaba. Kennaan uumamaa inni guddaan namaaf kenname dandeettii yaaduuti. Inni naannoo mataa isaa uumuu danda’a, bineensonni garuu naannoo isaaniitti of mijeessu. Gaddeessaa, namoonni muraasni qofti kennaa guddaa kana, dandeettii yaaduu isaanii, guutummaatti fayyadamu. Kufaatiin gosa lama qaba: isaan hojjetanii hin yaadin fi isaan yaadanii hin hojjenne. Jireenya keessa utuu dandeettii yaaduu keenya hin fayyadamne deemuun akka utuu hin qabne dhukaasuu ti. Jireenyi akka caffeteeriyaa ti. Wixxiddoo kee fuuta, nyaata kee filatta, achi fulaa biraa kaffalta. Wanta barbaadde hunda argatta yoo gatii isaa kaffaluuf qophoofte. Caffeteeriyaa keessatti, yoo namoota akka si tajaajilan eegde, bara baraaf eegda. Jireenyi akkuma sana. Ati filannoo goota, gatii isaa kaffalta.

Gabaabummaan Ergaa Kanaa

Ergaan Abdulhakim Awel kun gorsa jireenyaa fi hubannoo garaagaraa kan dhuunfaa, hawaasaa fi amala irratti xiyyeeffatu dha.

1. Ilaalcha (Attitude): Ilaalchi gaariin oomishaa dabaluu, hojii garee cimsuu, rakkoolee furuu, fi walitti dhufeenya fooyyessuu danda’uu isaa ibsa. Ilaalchi hamaan immoo hadha, jireenya kaayyoo hin qabne, fi dhiphina fiduu danda’a jedha.
2. Sammuu fi Murtoo (Intelligence & Judgment): Sammuu cimaa fi murtoo gaarii addaan baasee, murtoo gaariin barbaachisaa ta’uu fi gorsitoota filachuuf of eeggachuun akka qabu gorsa.
3. Milkaa’ina (Success): Milkaa’inni barnoota qabaachuun yookaan dhabuun akka hin murtoofne, garuu amaloota gurguddoo shanan “C” (amala, kutannoo, amantaa cimaa, kabaja, jaajjummaa) irra akka hundaa’u ibsa. Milkaa’ina jechuun kaayyoo gaarii tokko galmaan ga’uu dha jedha.
4. Wallalummaa (Ignorance): Beekumsa fakkeessuun wallalummaa ta’uu isaa fi ofitti amanamummaan wallalummaa irraa dhufu akka jiru akeekkachiisa. Barachuuf fedhii dhabuun salphina guddaa ta’uu isaa gorsa.
5. Pooronoogiraafii: Pooronoogiraafiin miidhaa guddaa hawaasaaf qabu ibsa: dubartootaa fi daa’imman nama ta’uu dhabsiisa, gaa’ila diiga, humna saalaan raawwatamu jajjabeessa, duudhaalee amalaa fi kabajaa xiqqeessa, akkasumas dhuunfaa, maatii fi hawaasa balleessa.
6. Kennaa Yaaduu (Gift of Thought): Ilmi namaa qaamaan uumamtoota biroo irra laafaa ta’us, kennaan isaa inni guddaan dandeettii yaaduu isaa akka ta’e ibsa. Garuu namoonni muraasni dandeettii kana guutumaatti fayyadamuu dhabuu isaanii ibsa. Jireenya akka caffeteeriyaa tti fakkeessee, filannoo keenyaaf gatii kaffaluun akka barbaachisu dhaamsa guddaa dabarsa.

Gaaffii 1ffaa
❇️ Wantoota Rabbiin Uume hunda uumaan akkaan Guddoo maali?

Deebii
1. Arshii

Gaaffii 2ffaa
❇️ Ergamaan Rabbii SAW isiin tun dhuka ibaadaati tan ja’aniin maali?

Deebii
2. Du’aa’iidha

Gaaffii 3ffaa
❇️ Mazhabni Islaamaa afran Eenyu fa’a?

Deebii
3.  ✍.Abu Haniifaa
     ✍.Imaamu Maalik
     ✍.Imaamu Ashaafi’iyyi
     ✍. Imaamu Ahmad bin  
             Hanbal                     
             Rahmatullaahi Aleeyhim

Gaaffii 4ffaa
❇️ Nabiyyoonni Haati Warra/niitiin isaanii kaafira turan Eenyu fa’a?

Deebii
4.  ✍. Nabii Nuuh(A.S) fi
     ✍. Nabii Luux (A.S)

Gaaffii 5ffaa
❇️ Sahaabaan Nabi Muhammad (S.A.W) Wajjin Xaa’if dhaqe Eenyu?

Deebii
5. Zayd bin Al-haaris

Gaaffii 6ffaa
❇️Gorsaan/Kuxbaa Godhaan Nabiiyyoota Eenyu?

Deebii
6. Nabii Ibraahim (A.S)

Gaaffii 7ffaa
❇️ Ijoolleen Abdi manaaf akaakayyuu Rasuulla (S.A.W) Meeqa?

Deebii
7. Afur. Isaanis:-
           ✍.Nawfal
          ✍.Haashim
          ✍.Abdushams
          ✍.Muxxalib

Gaaffii 8ffaa
❇️ Maqaan lola badrii kan biraa Meeqa?

Deebii
8. Sadi. Isaanis:-
               ✍.Furqaan
               ✍.Fussilat
               ✍.Safwaan

Gaaffii 9ffaa
❇️ Gosoonni Madiinaa Keessa jiraataa turan Meeqa?

Deebii
9. Lama. Isaanis:-
               ✍.Gosa Awsii
               ✍.Gosa Khazraj

Gaaffii 10ffaa
❇️ Gosoota yahuudaa Madiinaa Keessa jiraataa turanii Meeqa?

Deebii
10. Sadi. Isaanis:-
               ✍.Banuu Qureeyzaa
               ✍.Banuu Qeeynuqaa’i
               ✍.Banuu Nadr

Gaaffii 11ffaa
❇️ Sahaaboota Nabii keessaa dubartiin haadha sabbata Lamaa ja’amtee tan yaamamtu Eenyu?

Deebii
11. Asmaa binti Abibakar(R.A)

Gaaffii 12ffaa
❇️ Gaafa lola Uhud ajajaan waraanaa warra gaara gubbaa jiruu kan ture Eenyu?

Deebii
12. Abdallaah ibnu Jubeeyr

⭐I. Qur’aana irraa Ragaa ✅

1. Rabbiin Tokkicha – Sura Al-Ikhlaas

Je’i: “Inni Allaah (gabbaramaa dhugaa) tokkicha.[1]
Allaahn hirkoo waa hundaati.
Hin dhalle hin dhalannes.
Hiriyyaan tokkoos isaaf hin taane.”

(Al-Ikhlaas 112:1–4)

2. Rabbiin tokkummaa ofii labse

Inumaa kabajaan Gooftaa keenyaa dhugumatti guddateera; jaartiis ta’ee ilmoo hin qabu.
(Al-Jinn 72:3)

3. Rabbummaan qofti gabbaramuu qabu

(Kan akkana hojjate) kun Rabbii keessani, Isa malee dhugaan gabbaramaan hin jiru, (Inni) uumaa waan hundaatii, Isa (qofa) gabbaraa, Inni waan hunda tiksaadha.

(Al-An’aam 6:102)

4. Ergamtoonni hunda Tawhiida lallaban

(Yaa Muhammad!) Si dura ergamaa irraa tokkoyyuu “Ana malee dhugaan gabbaramaan hin jiru, Ana (qofa) gabbaraa” jechuun wahyii gara isaatti buufnu malee hin ergine.

(Al-Anbiyaa 21:25)

5. Rabbiin malee waaqni biraa hin jiru

Gabbaramaan keessan gabbaramaa tokkichaIsa, isa malee dhugaan gabbaramaan hin jiru. (Inni) akkaan mararfataa rahmata godhaadha.

(Al-Baqarah 2:163)

II. 💙Hadiisa irraa Ragaa💙

1. Hadiisa Jibriil – Bu’uura Islaamaa

Maqaa: Hadiisu Jibriil
Jecha Nabiyyii ﷺ: Islaam, Iimaan fi Ihsaan ibsu.

Lakkoofsa Hadiisaa:

Sahih Muslim – Hadiisa Lakkoofsa 8 (narration of Umar ibn al-Khattab)

Sahih Bukhari – Hadiisa Lakkoofsa 50

2. Hadiisa Mu’aaz bin Jabal – Tawhiida lallabsi

Nabiyyi ﷺ Mu’aaz gara Yamanitti erguun:

> “Ummata Kitaaba bira deemta… waan jalqabaan isaanitti lallabdu tawhiida Rabbii haa ta’u.”

Lakkoofsa Hadiisaa:

Sahih Bukhari – Hadiisa Lakkoofsa 7372

Sahih Muslim – Hadiisa Lakkoofsa 19

3. Hadiisa ‘La ilaha illallah’ jedhu – Namni haqa irratti du’e Jannata seena

“Namni ‘Laa ilaaha illallah’ jedhee du’e Jannata seena.”

Lakkoofsa Hadiisaa:

Sahih Bukhari – Hadiisa Lakkoofsa 5827

Sahih Muslim – Hadiisa Lakkoofsa 94

4. Hadiisa: Ergamtoonni hundi Tawhiida lallaban

> “Nabiin ani dura jiru hunda tajaajilaa saboota isaatti erga, tawhiida lallabuun ergame.”

Lakkoofsa Hadiisaa:

Sahih Bukhari – Hadiisa Lakkoofsa 1386

Sahih Muslim – Hadiisa Lakkoofsa 121

☑️III. Macaafa Duraa (Kakuu moofaa & haaraa ) irraa Ragaa💙

1. Kakuu Moofaa

Amaantii Museeti:

“”Waaqayyolii kan biraa tokko illee ana bukkeetti  hin qabaatin!”
  — Bau. 20:3

2. Shama’ Yisra’el

“Yaa Israa’el dhaga’i! Waaqayyo gooftaan keenya Waaqayyo isa tokkicha!”
  — Kes. 6:4

3. Kakuu haaraa irraayyuu — Yesuus ofiiti

“Yesus deebisee, “Inni hundumaa irra caalu, ‘Dhaga’i, yaa Israa’el! Gooftichi Waaqayyo keenya kophaa isaa gooftaa dha.”
  — Mar. 12:29

4. Yesuus akkana jedhe

“Yesus itti dabalee, “Ani humna kootiin homaa gochuu hin danda’u; abbaa koo irraa akkan dhaga’etti nan farada; firdiin ani faradus qajeelaa dha. Anoo yaada koo duukaa bu’uu hin barbaadu, ‘yaada isa ana ergee duukaan bu’a malee.”
  — Yoh. 5:30

5. Yesuus waaqeffannaaf Rabbiin kadhate

“Waaqayyo isa tokkicha, isa dhugaa, Yesus Kiristosin isa ati ergites beekuun isaanii jireenya bara baraa ti.”
  — Yoh. 17:3


QABXII IJAARSI LALLABAA

1️⃣ Rabbiin Tokkicha – Ilmaan hin qabu, hin dhalatu, qixxee hin qabu.
2️⃣ Ergamtoonni hunda (Aadam, Nuuh, Ibraahim, Muusaa, Yesuus, Muhammad ﷺ) Tawhiida lallaban.
3️⃣ Kitaabban hunda (Torah, Zaboor, Injil, Qur’aan) Waaqayyo Tokkicha lallabu.
4️⃣ Nama Rabbi tokko jedhanii du’an Jannata Rabbiin isaaf waadaa gale.

EEYYAN!: Rabbiin Qur’aana isaa keessatti Akkaataa itti dubbatuun ifa godhee lafa nuuf kaahee jira.

Suuraa Ash-Shuuraa (42), keeyyata 51 keessatti ibsameera:

“Namni tokkollee kan Rabbiin isa dubbisu hin taane wahyii (beeksisa) qofaan yookiin dahoo duubaan yookiin Ergamaa (Malaa’ikaa) ergee, hayyama Isaatiin waan fedhe wahyii godhee beeksisuu malee, inni ol ta’aa ogeessa. “

Rabbii karaalee sadihiin ilama namaatti dubbata akkuma keeyyata qur’aanaa asii olii kana irratti agartan.

1,wahyii qoma isaatti darbuun Rabbiin dubbii isaa itti beeksisa.

2,dahoo duubaan: kallattiidhaa osoo of hin mul’isin nama sanitti dubbachuun fknf Akka Nabi Muusaa [As] kallattiin wojjiin dubbachuun.(Suuraa An-Nisaa, 4:164)


3,ergamaa Jibriil erguun akka nabi Muhammad [saw] fi nabiyyoota isa dura darbanii
Kataalee sadan kanaan ilma namaatti dubbata.

Allaahin Bakka argettii fi akka fedhetti isa dubbatuu miti Akka itti dubbatu beeka, bakka itti dubbatu beeka, nama itti dubbatus beeka.

Har’as dubbiin isaa alhamdulillaah qur’aanni biyya lafaa kana irra jira kan haalata hundaa keessatti si dubbisu.

fakkeenyaaf:
Namaa hundaatti dubbachuu (Yaa Ayyuhan Naas – Yaa namootaa!)

Mu’uminootaatti dubbachuu (Yaa Ayyuhallazina Aamanuu – Yaa warra amantan!)

Kaafirootatti dubbachuu (Yaa Ayyuhallazina Kafaruu!)

Ergamaa isaaatti dubbachuu (Yaa Ayyuhar Rasuul – Yaa Ergamaa!)

Nama sadaffaan of dubbachuu (Allah jedhe… ykn Nu jennee…)

Qur’aanni Dubbii Isaa Ta’uu:isaa: “Yoo tokko mushrikootaa si kadhate, Dubbii Rabbii hanga dhagahuutti jireenya isaaf kenni.” (Suuraa At-Tawbaa, 9:6)

Har’a kiristaanonni Waaqayyo natti dubbate jedhanii kan shuubbisan hoo yoo jenne wlh dubbii Kijibaati.

Iyesuus akkana jedhe

“Inni ana erge ofii isaatii anaaf dhugaa ba’eera; 👉🏼isin utuu inni dubbatuu sagalee isaa takkaa hin dhageenye, bifa isaas argitanii hin beektan.”
  — Yoh. 5:37

Dhugaan jirtu tana kan hafes gana!!!

Itti fuufa barumsi…

Kiristaanonni yeroo baay’ee waan nuti musilimtoonni ka’abaa waaqessinu sehu.

Maqaa Rabbii Akkaan Mararfataa Akkaan Rahmata Godhaa Ta’eetiin.

47:19″Rabbiin malee dhugaan gabbaramaan
biraa akka hin jirre beeki.
فاعلم أنه لا إله إلا الله

Beekumsa Keessaa Inni Dursu Rabbii Nu Uume Beekuudha. Rabbii Keenya “Allah Malee Dhugaan Kan Waaqeffatamu Hin Jiru” Ja’anii Beekuudha.

Rabbiin Keenya Allahn Ummata Hunda Keessatti Ergamtoota Isaa “Na Qofa Gabbaraa ; Taabotoota Irraa Immoo Fagaadhaa” Je’ee Ergee Jira.

16:36″ Dhugumatti, Nuti “Rabbiin gabbaraa; taabota (gabbaruu) irraas
fagaadhaa” (jechuun) ummata hunda keessatti ergamaa erginee jirra.
ولقد بعثنا في كل أمة رسولا أن اعبدوا الله واجتنبوا الطاغوت

Erga Kana Akka Seensaatti Hubannee Booda Gama Yaada Faallaa Kiristaanota Bira Jiruutti Haa Deebinuu.
Akkana Je’u “Muslimoonni Dhakaa Gurraacha  (Hajarul Aswad) Waaqeffatu” Ja’anii Yaadu.

Hajarul Aswad Dhakaa Miidhaas Faayidaas Hin Qabneedha. Rabbii Tokkicha Allaah Kan Fayyaduus Miidhuus Danda’u Malee Hajarul Aswad Hin Waaqeffatamu.
Sahih Bukaarii Kitaaba 25, Hadiisa 83
Aabis Ibn Rabii’aa Irraa Akka Odeeffametti Umar (R.A) Gama Hajarul Aswad Dhufee Dhungatee Akkana Je’e “Ni Beeka Ati Dhakaadha ; Hin Fayyaddus Hin Miitus. Nabiyyiin Osoo Kan Si Dhungatan Arguu Baadhee Silaa Si Hin Dhungadhu”.

ﻋَﻦْ ﻋَﺎﺑِﺲِ ﺑْﻦِ ﺭَﺑِﻴﻌَﺔَ، ﻋَﻦْ
ﻋُﻤَﺮَ ـ ﺭﺿﻰ ﺍﻟﻠﻪ ﻋﻨﻪ ـ ﺃَﻧَّﻪُ ﺟَﺎﺀَ ﺇِﻟَﻰ ﺍﻟْﺤَﺠَﺮِ ﺍﻷَﺳْﻮَﺩِ ﻓَﻘَﺒَّﻠَﻪُ، ﻓَﻘَﺎﻝَ ﺇِﻧِّﻲ ﺃَﻋْﻠَﻢُ ﺃَﻧَّﻚَ ﺣَﺠَﺮٌ ﻻَ ﺗَﻀُﺮُّ ﻭَﻻَ ﺗَﻨْﻔَﻊُ، ﻭَﻟَﻮْﻻَ ﺃَﻧِّﻲ ﺭَﺃَﻳْﺖُ ﺍﻟﻨَّﺒِﻲَّ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ ﻳُﻘَﺒِّﻠُﻚَ ﻣَﺎ ﻗَﺒَّﻠْﺘُﻚَ

Kanaa Ol Maal Barbaadda? Hajarul Aswad Dhakaa Hin Miines Hin Fayyadnes. Garuu Nabi Muhammad ﷺ Wanta Isaan Dhungataniif Ni Dhunganna.

Dhungachuun Qabeenya Rabbiitii Miti. Sababni Isaas Rabbiin Hin Dhungatamu. Dhungachuun Qabeenya Ilma Namaati. Dhungachuun Waaqeffatuu Miti. Dhungachuun Wanta Jaalalti Ittiin Ibsamtuudha.
Fakkeenya Ilmi Abbaa Osoo Dhungatee Waaqeffate Jechuu Miti.
Namni Tokko Osoo Tapha Tokko Injifatee Waancaa Dhungatee Waaqeffate Jechuu Miti.

Hajarul Aswad Osoo Isaaf Kan Sagadamu ; Kadhatamu ; Sodaatamu… Ta’ee Shirkii (Rabbii Gaditti Waaqeffatame) Ja’amuu Ni Danda’a. Garuu Wantoota Kanniin Hundumaa Isaaf Godhuun Dhoorkaadha.

Hajarul Aswad Dhakaa Caccabaadha. Dhagahuu , Dubbachuu , Arguu , Beekuu Kan Hin Dandeenye Yoo Ta’u Bu’uura Mana Rabbiitiif Akka Ta’uuf Jannata Irraa Dhufe.

Sunan Nasa’i Kitaaba 24, Hadiisa 2938
Abdallaah Ibn Abbaas Akka Odeessetti Nabi Muhammad ﷺ Akkana Ja’an ” Hajarul Aswad Jannata Irraayi “.
عن ابن عباس أن النبي ﷺ قال “الحجر اﻷسود من الجنة”

Hajarul Aswad Akka Hin Gabbaramne Erga Ragaadhaan Akkanatti Hubannee Worroonni Hajarul Aswadiin Waaqeffattu (Gabbartu) Nuun Ja’an Ragaan Isaanii Maalii?

Hajarul Aswad Nabi Muhammad ﷺ Ergamuun Dura Naannoo Ka’abaatti Taabotoota 360 Keessa Tokko Kan Ja’aniif Ragaan Isaanii Maali?
Jette Jettee Ganda Keessaa Osoo Hin Ta’in Ragaa Qur’aanaa , Hadiisaa Fi Seenaa Irraa Nuuf Fidaa Mee. Wanta Hin Jirre Kijiba Eessaa Baasu Ree?!

Amantiin Islaamaa Amantii Qulqulluu Rabbiin Tokkichi Allahn Keessatti Gabbaramu(Waaqeffatamu) dha Malee Dhakaa Fi Mukni Kan Keessatti Waaqeffatamuu Miti. Kanaafuu Gama Amantii Dhugaa, Qulqulluu Fi Jaalatamtuu Kan Taate Gama Amantii Islaamaa Koottaa Isiniin Jenna. Rabbiin Amantii Dhugaa Kana Isiniif Haa Hiru. Aamiin!

Obboleeyyan kiyya isinis #share gochuudhan keeyrii tana carraaqqadha jzk🙏

👉 Dargaggeessa tokkotu kan akkaan rabbiin sodaatutu baadiyaa keessa jiraata ture, gaaf tokko namoonni waayee lafaa qo’atan osoo lafarratti qu’annaa gaggeessanii aduun itti dhiinaan gargar bahanii ergasii warroota qu’annaa gaggeessan keessaa shamarri (dubarri) takka osoo deemaa jirtuu mana wahii of fuunduratti argitee achi dheyxee ergasii abbaa manichaatti wanta isii muudate itti himtee na bulchi jetteenii gaafatte namichis waan akkaan rabbi sodaatuf heyyameef ergasii isii siree isaa gadhiiseefii siree isaa irra rafte inni garuu lafa rafe siree isii jalaan akka hin qorrineef ibidda qabsiifatee ibidda cinaa rafee amma jidduuma kana sheeyxaanni waswaasuu eegalee sireerratti itti ol bahii je’een ergasii namichis isii irratti badii dalaguurra je’ee quba isaa tokko ibidda keessa kaahee gubee xiqqo rafe isiinis namichi narratti ol hin bahuu jettee eegaa jirti ergasii namichi yeroo inni quba ofirratti gubu arginaan maal akka tahe galuufii dide namichi ammas xiqqoo erga rafee booda hirriba keessaa dammaqe ammas sheeyxaanni waswaasee sireerratti ol bahi jennaan namichi ammas isiirratti badii dalaguurra je’ee amnas quba isaa tokko ofirratti gube osoo akkanuma godhuu quba isaa hunda ofirratti gube intallis rifattee maal akka inni godhu osomaa laaltuu hirriba osoo hin rafin itti bariinaan gara mana isiitti galte ergasii maatiin isii eessa turtee(bultee)  galte gaafatan isiinis wanta hundaa itti himte abbaan isiitis waan namichi of godhe dhageenyaan isiidhaan mana isaa natti agarsiisi je’eenii itti agarsiistee abbaa isii biraa deebite abbaan isii erga namicha bira gahee nagaa gaafatee ergasii quba isaa huccuun kan mammarame argee qubni kee maal si tahe je’ee gaafate namichis abbaa Intalaa akka tahe hin beeku ergasii akkanatti intalli takka na bira bultee achumaan sheeyxaanni na waswaasnaan quba kiyya ofirratti gube je’eenii itti hime abbaanis dalagaan namichaa akkaan waan dinqisiisteef ani abbaa intala saniiti je’eenii itti hime ergasii intala isaa nikaaha godheefii itti heerumsiise

Subhaanallaah! Wallaahi Wabillaahi rabbiin nama isaa je’ee of qabe yeroo kamiyyuu ni milkeessa.🤲🤲

Nama birootiifis seenaa tana dabarsaafi ittiin wal gorsaa Jazaakumullaahu keyran!

1. Kaayyoo Keessaa Hubadhu:

➨ Maaliif akka salaatu:- Salaanni dirqama Rabbiin nurra kaa’eedha, akkasumas karaa ittiin Rabbiitti dhihaannuudha. Kaayyoo kana yoo hubatte, salaanni sitti hin ulfaatu.
➨ Ibaadaan maal akka ta’e: Ibaadaan wanta Rabbiin jaalatu hunda hojjechuudha. Salaanni ibaadaa keessaa isa guddaadha, garuu zakaa kennuu, soommanuu fi dalagaa gaarii hojjechuunis ni jira.

2. Qophii Godhadhu:

➨ Yeroo sirrii filadhu:- Yeroo hojii dabalataa hin qabnetti salaatuu filadhu.
➨ Bakka mijataa barbaadi: Bakka qulqulluu fi xiyyeeffannoo nama hin harkisne filadhu.
➨ Qulqullina eeggadhu: Salaata dura wudu’a goradhu. Wudu’aan qaama kee qulqulleessuu qofa osoo hin taane, sammuu kee salaataaf qopheessa.

3. Salaata Hin Jarjarsin:

➨ Suuta suutaan salaati:- Jechoota salaataa hubachuuf yaali.
➨ Xiyyeeffannaa kee walitti qabi: Wanta adda addaa yaaduu dhiisii salaata keetirratti xiyyeeffadhu.
➨ Du’aa’ii goradhu: Salaata booda Rabbi karadhu. Wanta barbaaddu hunda Rabbi gaafachuu dandeessa.

4. Ibaadaa Biraa Godhi:

➨ Qur’aana dubbisi:- Guyyaa guyyaan Qur’aana dubbisuu fi hiikkaa isaa hubachuuf yaali.
➨ Zakaa kenni:- Qabeenya kee irraa harka muraasa hiyyeeyyiif kenni.
➨ Soomi:- Ramadaan keessa soomu. Soomuun qaama kee qulqulleessuu qofa osoo hin taane, sammuu kee cimsa.
➨ Dalagaa gaarii hojjedhu: Nama gargaaruu, nama tasgabbeessuu fi nama gammachiisuuf yaali.

5 . Du’aa’ii Godhadhu:

➨ Rabbiin kadhadhu:- Salaata fi ibaadaan akka siif laafutti Rabbiin kadhadhu.
➨ Abdii hin kutatin:- Yeroo tokko tokko salaanni siif ulfaachuu danda’a, garuu abdii hin kutatin. Yeroo hunda Rabbiin kadhadhu.

➨ Akkuma hojii hundaatti, salaata fi ibaadaan barachuu fi itti cichuun barbaachisa. Haa ta’u malee, mindaan isaa guddaa dha. Salaanni fi ibaadaan jireenya kee gammachuu fi nageenyaan guutuu danda’a.

Rabbiin Salaata Isiniif Haa laaffisu🤲

Qur’aanaa fi Saayinsiin Ammayyaa waa’ee Orbiitii ilaalchisee maal dubbatan. Yeroo Kana jennu, Qur’aanaa fi Saayinsiin tokko jechuu keenyaa miti. Garuu waan Qur’aanni Waggoota 1400 dura dubbate, kan Saayinsiin ammayyaa itti qaqqabe dubbachuu keenya malee. Yoo Qur’aanaa fi Saayinsiin tokko kan jennu taate dogooggora guddaadha. Wanti Nuti waa’ee kanaa irratti ibsuu barbaanne waan Qorannoon Saayinsii ammayyaa itti qaqqabe kan Qur’aanni waggoota 1400 dura dubbate ifa Gochuu dha. Mee bakka lamatti qoodnee waa’ee Orbiitii (Falaka) jedhu kana haa ilaalluu:

1. Waa’ee Orbiitii (Falak):  Qur’aanni waa’ee sochii aduu, ji’aa fi qaamolee samii biroo yeroo dubbatu, jecha addaa fi hiika gadi fagoo qabu fayyadama. “Falak” Jechi kun afaan Arabiffaatiin waan geengoo ykn daandii maramaa agarsiisa.
Aayatoonni armaan gadii dhimma kana ifa godhu:
A. Aayata “Kullun fii Falakin Yasbahuun”
Aayanni kun Qur’aana keessatti iddoo lamatti irra deddeebi’amee dhufe, kunis barbaachisummaa isaa agarsiisa: Suuraa Al-Anbiyaa’, Aayata 33:
“وَهُوَ الَّذِي خَلَقَ اللَّيْلَ وَالنَّهَارَ وَالشَّمْسَ وَالْقَمَرَ ۖ كُلٌّ فِي فَلَكٍ يَسْبَحُونَ”

Hiika: “Inni (Rabbiin) Isa halkan, guyyaa, aduu fi ji’a uumeedha. Hundinuu daandii (orbiitii) ofii isaanii keessa daaku (socho’u).”
Suuraa Yaasiin, Aayata 40 ttis akkana jedha:
“لَا الشَّمْسُ يَنبَغِي لَهَا أَن تُدْرِكَ الْقَمَرَ وَلَا اللَّيْلُ سَابِقُ النَّهَارِ ۚ وَكُلٌّ فِي فَلَكٍ يَسْبَحُونَ”

“Aduun ji’a qaqqabachuun (bakka isaa bu’uun) isaaf hin malu; halkanis guyyaa hin dursu. Hundinuu daandii (orbiitii) ofii isaanii keessa daaku (socho’u).”

Ibsa Aayata Kanaa: Kullun-Hundinuu): Jechi kun aduu, ji’a, fi akkuma aayata duraa irraa hubannutti, qaamolee halkan uumaman (urjoota) fi lafa (sababni halkan fi guyyaan lafa irratti uumamuuf) of keessatti hammata. Kana jechuun qaamni samii hundi sochii keessa jira jechuudha.

Falak – Orbiitii/Daandii) jechuudha. Akkuma olitti ibsame, kun daandii geengoo, kan maramaa ta’e agarsiisa.
Yasbahuun jechuun Ni daaku jechuudha. Jechi kun Arabiffatti sochii qaama tokkoo kan ofuma isaatiin ofirra naanna’aa deemu agarsiisa. Akkuma nama bishaan keessa daakuu jechuudha. Kunis aduun, jiinii fi lafti yeroo orbiitii isaanii keessa deeman, ofirraas naanna’uu (rotation) isaanii agarsiisa.

Dinqiin isaa, jechi Yasbahuun jedhu gara duubaatti yoo dubbifames “Yasbahuun” ta’a.  Kunis sochii irra deddeebii fi kan hin dhaabbanne agarsiisuu danda’a.

Yaada “Aduun ni Socho’a” Jedhu; Hanga jaarraa dhihoo asitti, saayintistoonni Awurooppaa aduun bakka tokko dhaabbatti (static) jedhanii amanu turan. Garuu Qur’aanni ifatti aduunis akka sochootu ibsa.
Suuraa Yaasiiin, Aayata 38 irratti:
“وَالشَّمْسُ تَجْرِي لِمُسْتَقَرٍّ لَّهَا ۚ ذَٰلِكَ تَقْدِيرُ الْعَزِيزِ الْعَلِيمِ”

“Aduun iddoo murtaa’e) kan isheedhaaf murameef ni fiigdi (socho’a). Kun murtoo (Rabbi) Injifataa, Beekaati.”
Jechi “Tajrii” jedhu ni fiigdi jechuudha. Aduun bakka tokko dhaabbachuu ishee Qur’aanni ni morma.
Walumaagalatti: Qur’aanni ifaan ifatti, Qaamonni samii (aduu, ji’a, urjoota, lafa) hundi ni socho’u. Tokkoon tokkoon isaanii daandii (orbiitii) mataa isaanii qabu.
Sochiin isaanii akka daakuuti, kunis ofirra naanna’uu fi orbiitii keessa deemuu agarsiisa.
Aduun bakka tokko hin dhaabbattu, isheenis orbiitii mataa ishee qabdi.

2. Ilaalcha Saayinsii Ammayyaa: Orbiitii fi Sochii Samii;  Saayinsiin ammayyaa ragaa qabatamaa hedduun wantoota Qur’aanni waggaa 1400 dura ibse kana itti qaqqabeera.
Qaamni Samii Hundi ni Socho’a: Yaada “wantoonni samii hin socho’an” jedhu durii, saayinsiin kuffiseera. Aduun, pilaanetoonni ishee (lafa dabalatee), ji’oonni isaanii, fi urjoonni hundi sochii walxaxaa keessa jiru.

✅️Orbiitiiwwan (Daandiiwwan):
-Jiini  lafa naanna’a.
-Lafii fi pilaanetoonni biroo aduu naanna’u.

-Aduun mataan ishee bakka tokko hin dhaabbattu! Akkuma Qur’aanni jedhe, aduun sirna pilaanetootaa ishee (Solar System) guutuu waliin, wiirtuu gaalaaksii keenyaa (Milky Way Galaxy) naannofti. Saffisa tilmaamaan 220 km/sekondii ta’uun socho’a. Naannoo tokko guutuu gochuuf waggoota miliyoona 230 itti fudhata.
-Gaalaaksiin keenya (Milky Way) mataan isaas ni socho’a. Gara gaalaaksii biroo kan “Andromeda” jedhamuutti saffisa guddaan siqaa jira.
✅️Sochii “Daakuu” (Rotation and Revolution):
-Lafri: Yeroo aduu naannoftu (revolution), ofirras ni naannofti (rotation). Kun halkan fi guyyaa uuma.
-Ji’a: Yeroo lafa naanna’u, ofirras ni naanna’a. Sababa kanaaf, nuti yeroo hunda fuula ji’aa isa tokko qofa agarra.
-Aduun: Ofirras ni naannofti.
✅️Seera Uumaa (Physical Laws): Sochiin kun hundi akka tasaa miti. Seerota fiiziksii kan akka harkisa lafaa (gravity) fi seera sochii Newton hordofee adeema. Qur’aanni kana “Taqdiirul-‘Aziizil-‘Aliim” (Murtoo Injifataa, Beekaati) jechuun ibsa. Kunis sirna (system) uumamaa kan herrega sirrii fi seera cimaan hoogganamu ta’uu isaa agarsiisa.

Akkuma waa’ee boca lafaa irratti argine, dhimma orbiitii irrattis ilaalchi Qur’aanaa fi saayinsii ammayyaa guutummaatti wal-simu. Qur’aanni yeroo saayinsiin hawaa hin jirreetti ragaa sirrii fi ifa ta’e kenne. Fkn, aduun bakka tokko akka hin dhaabbanne ibsuun isaa, dinqii Qur’aanaa kan biraati. Kunis ammas ragaa Qur’aanni jecha uumaa addunyaa kanaa ta’uu isaa mirkaneessudha.

Kutaa 4ffaa

• Ija gaqqabataa namni kharaarra taa’u arra. ija gaqqabataa arra namni kharaarra taa’u. tokkoffaa wannummaan khararra taa’uufuu maali! arra namni waan adda addaa laaluufi. dubartii achii baatee achi seentu laaluufi gaafiin hin jirtu tana kheessa. nama magaalaa kheessa deemu gosa hedduu jira aboo laalikhaa tanafaa, aboo tunfaan hin bareedduu masha allah awoo dubbii ajaa’ibaati ja’a, aboo warra eessaati sa mucaan tun dhihuma tanaan arkee haariyaa seenee ja’aa bar, laaluufi wanni namni khararra taa’uuf. makhiinaa namaa ta gaddeemtu, ta ol deemtu makhiinaa tana hoo eenyuu bite sa aboo tun faan ta ajaa’ibaati immoo abaluu bitee awoo dura deemee bar waan akkana akkanaa laaluufi namni tun hundi laaggaa fitinaa siffiddu qabdii beekhi tun hundi fitinaa siffiddu qabdi qabeenya khee kha qabdutti akka hin gammanne si gooti qana’aa akka hin qabaanne si gooti miskiinummaa qalbii siffiddi ta namaa tana laaltee atii ifii teetiif jireenyi kheetuu fatanaa kheessa jira namuu fatanaa kheessa jiraa beekhi kha makhiinaan deemu sanilleen fatanaa kheessa jira fatanaan namaa wal haa dhabduu malee.

• ( لقد خلقنا الانسان في كبد )
Ilma namaa fatanaa kheessa uumnee ja’a rabbiin s.w gaafa dura garaa haadhaatii baaturraa eegalee namni fatanaa kheessa jira achumaa booyaa gabbaha booyichaan eegala jiruma tanaahuu gaafa achii khe’e daaddee baxxaq baxxaq ja’a achi kufa achii ka’a achi kufa qabsoodha jiruun khalaas achii hogguu khe’ee tapha eegale maaltu dhufa haati maaf waan akkanaa hin godhin jattee garafti achii barnoota seena hojii manaatii jira cinqii jira hojii manaa tana ni dabara fatanaa jira ministirii jinnii achii as guuri gaafa achii eeybifamee behees hojii barbaada haariyatti si fiizaa qabatee bakka cufa deema fatanaadha tuniis achi seena managerri isaa maaf sa’aa lamatti hin seenin aboo ati maaf sa’aa dabarsita miindaan kee murame tana osoo firraa eeguu jiraata namni jireenyi duniyaa qabsoodhaa jachu ammoo ija tee gadhiistee laaluun akka ati jireenya khee khana tuffattu akka ati jireenya Rabbiin sii qoode jaalachuu dhabdee rabbii wajjin wal loltu si gooti aboo abaluus nagiya jiraa abaluus nagiya jiraa aboo anuma qofaa ta biraa kheessa jira maali musiibaan na buute maali balaan na buute jireenya khee khana ni jibbita ammoo yo qalbiin as deebitee laalte waan namni san hin qabne ta ati qabdu dila takkaa jira qananii Rabbiin nama tanii kannin ta siif kanne dila takkaa jira abbaan qabeenyaa qabeenya qabaachuu mala garuu nyaata barbaade nyaachuu hin dandahu nyaata barbaade nyaachuu hin dandahu.

• ( ولا تمدن عينيك الى ما متعنا به )
Waan isaan itti qananiisne tana hin laalinii je’e rabbi s.w jaartii babbareedduu khannineefii qabeenya babbareedaa khannineefii jara kaafiraa khana waan isaani ballisne tana hin laalinii je’e duniyuma tanarratti akka itti qanani’aniif khannineef malee qananii biraa kheessa hin jiranii je’e rabbiin s.w akkuma aayata biraa keessatti himetti rabbiin s w
( ومن اعرض عن ذكري فان له معيشه ضنكا ونحشره يوم القيامه اعمى قال ربي لما اشرتني اعمى وقد كنت بصيرا قال كذلك اتتك اياتنا فنسيتها وكذلك اليوم تنسى )
Duniyaa tanarratti namni rabbi kafare namni haqa rabbii wallaale nama Islaamaa tahuus dilii kheessa khute kha dilii gurguddoo hunda dalage takkaa shirkii cufa kha dalage namni san duniyaarrattuu jireenya cinqii isa jiraachisnaa je’e rabbi s.w osoo qabeenya qabuu moo ee osoo qabeenya qabuu osoo beekkamtii qabuu moo ee osoo beekkamtii qabuu urjii addunyaa tanaa ta amma ja’an tana haa tahu yoo fadhe urjii duniyaa silaa sahaaboota rasuulaati s.a.w warra diin khana duniyaa tana waliin gehee khute garuu dalagaa sheeyxaanaatirraa sheyxaanni urjii nama biraa nu fakkeessee nu dura khaaye warra sheeyxaanaaf bitamu.

• Namni arra ijaan rahaa barbaada ija isaa gadhiisee rahaan san qalbii dhaqqabuu hin dandeessu namni arra gurraan wallee adda addaa dhaggeeffachuu fi asoosama jaalalaa dhaggeeffachuu fi waan akkanaatiin gammachuu barbaada wanni san ammoo qomasaarra hin geessu gammachuu irraa hin agaru maalif jannaan bakki gammachuu arkataniin qalbiidha gaa bakki gammachuu arkataniin qalbiidha malee ijaa miti qalbiidha malee gurraa miti haraam dalaga namni khe’ee farshoo dhuga zinaa dalaga waan adda addaa dalaga gammachuu hin agaru maalif qalbiidha bakki gammachuu barbaadaniin obboleeyyan bakka sanii dhabe namni arraan tana irra guddaan warri beekkamaa addunyaa kun maal tehe farshoo adda addaa dhugaa maal figgadhiisa rahaa barbaada fooriyyaa namni addunyaarraa fooriyyuuf san hogguu laallu gammachuun sanii achii hin hafneef nu fakkaattiimii wallaahi cinqi jira namni san khe’ee maal godha hoggaa gale diraga adda addaa khana figgadhiisa farshoo adda addaa dhuga waan adda addaatiin qaama isaa hadoocha cinqii jireenyaa ta kheessa jiru tana irraanfachuuf kha nuti raha jira seenu inni cinqi jira tana figgadhiisa taan figgadhiisa boodarra sammuun isaatuu nagiya hin qabdu nama akkasii.

• Faayidaan ija gaqqabachuu maali tokkoffaa haraam irraa tiiyfamuudha lammaffaa jaalala duniyaatiin osoo hin sakhaalamne waan rabbiin siif qoode akka jaalattu si gooti ija tee gaqqabachuun sadaffaa khushuu’a namaa fiddi ija gaqqabachuun namni ija gaqqabatu khushuu’a qaba afraffaa ija gaqqabachuun qalbii namaa qulqulleeysiti qalbiin namaa ni qulqullooyti qalbiin namaa tun akka daawwitii adiidha waraqaa adii takkaahuu namni hoggaa dilii dalage tuqaa gurraattii irra tuqama hoggaa dilii dalage tuqaa gurraattii irra tuqama lakka dili daddeebi’aa deemuun namni osoo irraa hin toowbanne diliin wal duubaan lakka dalaguun qalbiin isaa tun gurraachoomtee walii galti duboo obboleeyyan islaamaa hoggaa khana rasuul a.s.w maal je’e
( كالكوزي مجخيه )
Akka bircuqqoo gaggaragalchanii taatii je’e qalbiin namaa bircuqqoon tun waa itti qicachuudhaaf ol garagaltee taa’uu qabdi waan itti qicattu siif fuuti yoo gaggaragalchite hoo ta kheessa jirtuus kheessaa gannaqamti ta gubbaan itti neeyxuus gubbarra yaati malee gad hin seentu ilma namaa akkas taha hoggaa diliin qalbii isaa dukkaneessite.

• Bircuqqoon tun waa itti qicachuudhaaf ol garagaltee taa’uu qabdi waan itti qicattu siif fuuti yoo gaggaragalchite hoo ta kheessa jirtuus kheessaa gannaqamti ta gubbaan itti neeyxuus gubbarra yaati malee gad hin seentu ilma namaa akkas taha hoggaa diliin qalbii isaa dukkaneessite achi booda gara galchee yaada wanni ati biratti fokkattu isa bira bareeddu wanni ati bira bareedduu isa bira fakkottu masjiida dhaquu salaatuu qur’aana qara’uu kana badawumma laalaahuu akka nama boodatti hafee aadaa amata 1400 duraa akka nama saniin deemuu laalaa jachu ammoo wanti tun faayidaa isiin qabdu rahaa isiin qabdu tana irraa cufaadha inni ammoo dubartiirra harka khaayyatee deemuu mana caffaraa dhiichisee if waraabee gadhiisuu farshoo adda addaa dhuguu gubboo khannuu gubboo fudhachuu dubartiin isa jala yaa’uu tana hariifumma laala namni qalbiin isaa gaggaragaltee waan jirtuuf jecha khanaaf duboo obboleeyyan islaamaa ija gaqqabachuun qalbiin namaa akka qulqullooytee teessu gooti.

• Gaaf tokko imaamu shaafi’iin gaafa qur’aana haffazu sheekha isaa wakiil bira dhaqe walaloodhaan kaaye maal je’e
( شكوت الى وكيع سوء حفظي وارشدني الى ترك المعاصي واخبرني بان العلم نور ونور الله لا يغطي )
Sheekha khiyya wakiil bira dhaqeetiin itti himee je’e yaa sheekha dhihoo tana maali arra hifziin najjabaattee qur’aana arra dadhabee duraan daqiiquma xiqqottiin haffazee kha’aa arra na dheeratee maalii je’e maal je’e
( وارشدني الى ترك المعاصي )
Dilii dhiisii naan je’ee je’e diliitu akkana si godhee dilii dhiisii diliirraa fagaadhuu
( واخبرني )
Naaf hime
( بان العلم نور )
Ilmiin tun nuura laal yaa shaafii ilmiin tun nuuraa beekhi naan je’ee je’e nuurri rabbii ammoo nama dilii dalaguuf hin kannamuu rabbi diliirraa nuhaa fageessu obboleeyyan islaamaa.

• Rasuul a.s.w maal je’e nama osoo haraam tokko laaluu fadhuu osoo laaluus danda’uu osoo carraa qabuu ijasaa tana dirqiin nama irraa gaqqabe rabbiin mi’aa iimaanaa bakka buusaafii je’e rabbiin nama san mi’aa iimaanaa yoom agarre obboleeyyan yoom agarre mee laali arraan tanarraa laali ammarraa osoo waan takka laaluu feetuu ija irraa gaqqabi wallaay mi’aa san hogguus si dhagayamti hoggus firra agarta mi’aa san mi’aa iimaanaa ta inni itti qanani’u takka rabbiin bakka buusaafii je’e rabbiin warra itti dalagu nuhaa godhu.

Kutaa 3ffaa

• Qabeenya namaa bareedaa tokko yoo agarte masha allah yaa rabbi barakhaa kheessa khaayiif ja’ii kharadhuuf li’annahuu ijji tee itti hafti waan san. ijji tee waan san ni balleessiti. ijji tee waan san ni miiti. al eeynu haqqun ijji haqa RASUULAA je’e s.a.w. ija ija ja’an malee wanni ija ja’amtu hin jirtu hin je’in ni jirti. gaafa sahaabaatillee ni turte, gaafa rasuulaatillee ni turte. RASUUL a.s.w. sanirra dhaabbatee ijji nama miidhuu nuu hime ERGAMAAN RABBII a.s.w.

• Gaaf tokko sahaabaan tokko osoo qaama dhiqatuu sahabaan tokko isaa asitti girdoo isaa godhee dhaabbata osoo dhiqatu namni tokko deemaa dhufe sahabaan ERGAMAA RABBII a.s.w akkuma deemaa dhufetti akkuma akkana je’etti qaama isaa bareeda arge gurbaa dhiqatu kana. aboo qaamni khanuma akkami qaamni bareedaan akkanaa takkaan agarre je’e gurbaan. sahaabtichi san hogguma san hollatee lafa dhehe kan dhiqachuu jiru. ERGAMAA RABBII bira geesse dubbiin a.s.w hoggaa kana RASUUL a.s.w maal je’ee gaafate dubbiin tun maal irraa dhufte jennaan maal agartee mee waan shakkite ni qabdaa je’een gurbaa khaan kan bira jiruunis yaa ERGAMAA RABBII s.a.w osoo gurbaan kun qaama dhiqachuu jiru tokko deemaa dhufee akkana je’e hin jenne gurbaa akkas je’e san naaf yaama je’een RASUUL a.s.w hoggaa gurbaa yaman maal je’een ergamaan rabbii a.s.w

على ما يقتل بعضكم البعض
Sa gariin keessan maalif wal ajjeestan boo je’een. maalif wal ajjeestanii wanni irra wal ajjeestan maalii! tokkoon keessan hoggaa waan isatti bareedu arke masha allah je’ee marakhaa haa khadhatuufii je’e. ERGAMAAN RABBII a.s.w akkasitti gurbaan san akka dhiqatu godhee kha laale san wadda’atee dhiqatee bishaan isaa saniin fuudhanii khaan kha dhukkubsate san irra naqanii namichi san akkasi fayyee jachu itti dhiqatee. ijji haqa.

• العين تدخل الرجل القبر والجمل قتل
Ijji dhiira meeqa qabri galchiti. ammallee gaala meeqa disxi galchiti. gaalli hoggaa itti bareedee laalee namni gaala san diree gaalli san dhukkubsatee hoggaa du’uu deemu firraa qalatanii disxi darbatanii nyaatan. ijji haqaa jechu dubo obboleeyyan islaamaa. ija gaqqabachuun balaan tee akka nama hin seenneefiis ni gargaarti. ija gaqqabachuun balaan namarra jirtu sanilleen akka sin seenneef ni gargaarti. fitinaa hunda sirraa qabdi jachu obboleeyyan islaamaa. khanaaf ija teenya gad haa qabannuu. kheessaafuu zabana teknooloojii khana. kheessaafuu zabana intarneet khana. kheessaafuu zabana namni hayaa dhabee qaanfii dhabee khabajaa waan ja’amu isa kheessaa fuudhamte. dur namni safuu qaba amantiillee yoon beeyne namni adaba aadaa mataa isaa qaba. aadaa waan fokkottuurraa isa dhoorkitu qaba. amma aadaan saniis ni dhabamte amantiilleen nu kheessaa dhabamte obboleeyyan islaamaa. wanni nuti laallu waan nama qaanfachiisu. wanni nuti haasooynu. wanni nuti dhaggeeffannu. wanni nuti hojjannu. irra guddaan isii waan nama qaanfachiisu kheeyriiniis akkuma jirtu tehee. khanaaf duboo obboleeyyan islaamaa balaan hundi bakki irraa khaatu ija.

• Balaan hundinuu bakki irraa khaatu ija. jaalalti duniyaa bakki irraa si seentu ija. boonni bakki irraa si seenu ija. nama boonu bira teessee akkaataa isaa yoo agarte boonaatu si kheessa dhufa atilleen boona san hawwita. if ajaa’ibuulleen bakki irraa nama dhuftu ija. ati nama ibaadaa tokko taatee nama badii kheessa jiru tokko yoo agarte if ajaa’ibda sa boo an edaa nagiyattiin jira aboo ana malee dhiirti hin jirtu jetta osoo deemtuu ija gaqqabadhuu. khanaaf RABBIIN s.w tanatti nu ajajaa jachu obboleeyyan islaamaa.

• Hawaasa keenya wanni diigu jiru guddoon ija. hawaasa keenya wanni balleessu jiru guddoon ija. sababaa khanaatiif ERGAMAAN RABBII a.s.w

نهى عن الجلوس في الطرقات
Kharaara taa’uu dhoorke RASUUL a.s.w magaalaa kheessa taa’uu ni dhuurke ERGAMAAN RABBII a.s.w sahaabaan hoggaa khana yaa ERGAMAA RABBII khararra taa’uu khana nuti dhiisuu hin dandeenyuu ja’aniin haajaa teenyaa kheessa nuu jira binnee kheessa gurguranna keessatti yaada wal dabarfanna khararra taa’uu khana yaa RASUULA RABBII duboo akkami itii haajamnaahii jennaan maal je’een RASUUL a.s.w

اذا اعطوا الطريقه حقها
Kharaaf haqa isaa khanaa je’e eega akkas taate eega dhiisuu hin dandeenye haqa kharaa guutaahii je’e haqni kharaa maali duboo obboleeyyan islaamaa arra irra guddaan keenya khararra ni tatteenya arra irra guddaan keenya khararra taa’uun amala nu tehee jira haqa kharaa khannu jirraa dura haqa kharaa sanuu ni beeynaa obboleeyyan islaamaa hoggaa khana sahaabaan

وما حق الطريق يا رسول الله صلى الله عليه وسلم
Yaa ergamaa rabbii haqni kharaa maalii ja’aniin kharaalleen haqa nurraa qabaa ee kharaalleen haqa isinirraa qaba haqni kharaa maali duboo yaa ergamaa rabbii jannaan

غضوا ابصاركم
Ija teessan gaqqabadhaa toltutti ajajaa hamtuurraa dhoorkaa je’e.

Itti fuufa……………………..