Category: Uncategorized

#Ibnul~jowziin kitaaba isaa “adabul majaalis” keeysatti akkana ja’a ; Intala bareedduu jaarsa qabdu takkaatu makka keeysa turte..guyyaa tokko gama daawwiti if laalteeti jaarsa isiitin ; namni fuula kiyya kana arkee hin fattanamne ni jiraa jatteen?!
Ee ;gabricha rabbii beekkamaa #Ubeeydi ibnu Aamiri ja’en.!! Naaf hayyami isaan fattanaa jatteen,siif hayyame ja’en.!!
Akka nama fatwaa gaafatutti itti dhufteeti, masjidul haraamirraa bakka namni hin garreetti wajjiin achi baate.!! Eegana fuula isii ka akka muraa ji’aa fakkaaturra iqaama firraa bante.!! Ubeeydi ;yaa gabrittii rabbii,rabbii kee sodaadhuu if sattari ja’en.!!
An siin mokkarameetin jira ,waan feetu narratti murteeysi jatteen.!! Gaafileen si gaafadha yoo dhugaa naaf himte amrii tee niin laala ja’en.!! Waan feete na gaafadhu dhugaan siif himaa jatteen.! Ubeeydi; osoo malakul mowti ruuhii tee sirraa fuudhuf sitti dhufe haajaa tee an siif guutun si ni gammachiisaa ja’en.? wallaahii lakkii jatteen ..dhugaa dubbatte ja’en. Osoo qabrii keeysa kaayamtee gaafidhaaf malaykaan lamaan si teeysisanii,haajaa tee an siif guutun si ni gammachiisa ja’en ?! Wallaahi lakkii jatteen..dhugaa dubbatte ja’en.! Osoo namni guyyaa qiyaama kitaaba isaani mirgaa fi bitaan fudhachu jirani,ati ammoo harka kamiinin fudhadhaa hin beynee ,haajaa tee siif guutun si ni gammachiisa ja’en? Wallaahi lakkii jatteen..dhugaa dubbatte ja’en.!! Osoo miizaana fidanii si duraa kaayanii, ka miizanni kee ni ulfaata moo ni salphifamaa hin beeyne haajaa tee siif guutee si ni gammachiisa ja’en.?! Wallaahi lakkii jatteen..dhuga dubbatte ja’en.! Osoo rabbi dura si fidani gaafidhaaf,an haajaa tee si guute si ni gammachiisa ja’en? Wallaahi lakkii jatteen..dhugaa dubbatte ja’en.!!
Yaa gabritti rabbi,rabbii kee sodaadhu, rabbiin kee tola sitti oolee sirra qanani’e maalif waan inni hin jaalanne barbaadda ja’en? gama jaarsa isii osoo boochu deebiteeti, anaa fi ati rabbi gabbarutti hin jirru ka’ii rabbi gabbari jatteen.!!
Salaata,soomanaa fi ibaadarratti as garagalte. Jaarsi isii ka akkana ja’u ture; ubeeydi ibnu Aamir waan inni na godhe, jaarti tiyya ta halkanu aruuztittii fakkaattu, raahibaa (moloksetti) na jalaa jijjiree.!!

Abuul Abbaas Ahmad Binu AbdulHaliim binu AbduSalaam Binu Teymiyyaah bara 661 Hijiraa Harraan Magaalaa je’amtu tan Turkiyaa keessatti argamtutti dhalate. Bara 728 Hijiraa Adunyarraa gama Akhiiraa godaane.

Seenaa Sheekul Islaam Ilaalchisee Kitaabni kuma 1 ol barreeyfamee jira. Abbaan Isaa Aalim beekkamaa ture. Abbaan Isaa bara 667 Hijiraa gama Shaam Maatii Isaatiin godaanee itti gale. Ibnu Teymiyyaan Maatii beekkumsaan sadarkaa guddoo qaban keessatti dhalatee guddatte. Abbaan Isaa Damashqitti eega galan beekkumsa Isaatiin beekkamee barsiisaa ture. Akaakoon Isaa AbduSalaam beekaa Hadiisaa fii Tafsiiraati ture. Kitaaba “Mantaqaa Al-Akhbaar” je’amu qaba. Imaamu Showkaaniin “Neylal Owxaar Sharhi Mantaqaa Al-Akhbaar” jechuun Ibsa itti godhee jira.

Ibnu Teymiyyaan Maatii akkanaa tana keessaan argame. Joollummaan Quraana Haffazee, Hadiisa Rasuulaa s.a.w Haffazuu itti fufe. Beekkumsa Islaamaarraa waan takka Osoo hin hambisin Sheekkootii 100 ol irraa baratee jira. Ibnu Teymiyyaan Abbaan Isaa bara 682 hoggaa du’e, Inni bakka Isaa bu’ee barsiisu eegale. Hoggaa Inni bakka Abbaa bu’ee barsiisuu jalqabu Umriin Isaa amata 21 hin dabarre. Umrii Dargaggummaa Osoo hin dabrin joollummaan beekkumsa hedduu haffazee jira. Rabbiin dandeettii sammuu guddoo Isaan kenneen hedduun namaa Isa dinqisiifataa ture.

Ibnu Teymiyyaa Rabbiin beekkumsa, Jeynummaa, Adunyarraa dantaa dhabuu, Obsa, Jabeenya qaamaa fii Aqiidaa qulqulluu badhaaseenii jira. Beekkumsaan, Barsiisuun, Haqa Ibsuun, Barreeysuun, Islaamaaf tumsuun yeroo Isaa sanitti warra jiran hunda dursee maqaa “Sheekhul Islaam” je’u kan sadarkaa argatee jira. Sheekh Islaamaa akka jechuuti, Sheekh Islaama hundaa tahee jira.

Jihaada Inni karaa Rabbii keessatti godheen hoggaa hunda Muslimoota biratti moggaasa kabajaa “Sheekhul Islaam” je’uun yaamam.

Sheekhul Islaam Ibnu Teymiyyaan Jihaada qalamaa, Afaanii fii Seyfillee godhee jira. Mootummaan Tattaar Shaam caphsuuf duula hoggaa bantu Muslimoota Jihaadaaf ka’aa jechuun kaasee Shaamii hanga Misraatti akka Muslimoonni qabsoo karaa Rabbii keessatti godhan akka Ulamaa’iitti yaamee ifiif keessaa hin hafne. Inni dirree lolaa dhaqee Adawwii dura dhaabbatee jira.

Jihaanni Isaa guddaan Amantii Islaamaa qulqulluu laaqaa adda addaarraa Xaharsuuf qabsoon godhe kan irraanfatamuu miti.

Firqaa fii Jallinni Inni hin Saaxilin hin jiru, Shii’aa, warra Falsafaa, Jahmiyyaa, Mu’atazilaa, Suufiyyaa, Kiristaanaa fii Yahuudaan irraa hin hafne.

Hunda Quraanaa fii Hadiisaan Saaxilee qullaa dhaabee jira. Keessattuu warra Suufiyyaa Falsafaan balleeyse kan akka Ibnu Arabii hedduu Saaxilee maalummaa Isaanii ibse.

Ibnu Arabiin “Wanni hundi Rabbi, Anis Rabbi, Karkarroon Rabbi, Sareen Rabbi…” jechuun falsafaa “Wahdatul Wujuud” Islaamatti kan makhe hoggaa tahu, Suufiyyaan hedduun Isa jala deemti.

Ibnu Teymiyyaan kitaaba Ibnu Arabii Quraanaa fii Hadiisa dura qabuun Ibnu
Arabiin akka Filoosoofara Kaafira tahe addeeysee jira. Sababaa Ibnu Arabii akka malee Saaxileef Sheekkootii Suufiyyaa takka takka itti hinaafanii Mootummoota zamana san jiruu waliin Isa miidhuuf yaalii adda addaa godhaa turan. Mootummaan Ibnu Teeymiyyaa fii Suufiyoota Ibnu Arabii jala deemu walitti fiddee Ibnu Teymiyyaan ragaa Quraanaa fii Hadiisaatiin Isaan wareersaa ture. Garuu beekkumsaan dadhabnaan humnaan waan itti tarkaanfataniif Sheekhul Islaam Ibnu Teymiyyaa hogga hedduu hidhaa akka seenu godhanii jiran.

Inni soda malee Quraanaa fii Hadiisa qofa qabatee waan sanii achii hunda Quraanaa fii Hadiisaan wal dura fiduun wal qunnamu fudhachuu fi wal khallafuu irraa dhaabbachuu aadaa Salafaa Muslimoota keessatti deebisuuf Jihaada guddaa godhee jira.

Kitaaboota hedduu barreeysee jira. Kitaaboonni Isaa dhibba 3 akka caalan
dubbatama. Barattoonni Isaa lakkaawamanii hindhuman. Kan sadarkaa beekkumsaatiin Islaama keessatti beekkaman hedduu warri Isarraa barate.

Ibnu Teymiyyaan Islaama Qulqulluu Rasuulaa fii Sahaabaan irra turan san deebisuuf jecha hedduu carraaqe. Qulqullummaan Islaamaa Quraanaa fii Hadiisatti deebi’uudha jechuun warra Falsafaa adda addaa hundaaf deebii kennee jira. Deebiin Inni warra jallataa zamana Isaa hundaaf kenne arrallee warra falsafaa hirriba dhorguu itti fuftee jirti.

Yahuudaan Namni Jibban guddaan Sheekhul Islaam Ibnu Teymiyyaadha.

Shii’aan Ulamaa’ii Islaamaa haalaan jibban keessaa Ibnu Teymiyyaan durarra jira.

Ahbaashiin Adawwiin isii guddaan Ibnu Teymiyyaadha. Firqaa jalloon hundi

Ibnu Teymiyyaan waan Isaan Saaxileef hin jaalatan. Garuu Muslimoonni Sunnaa hundi “Sheekhul Islaam Ibnu Teymiyyaah” Sheekh Islaama hundaa jechuun ittiin boonan.

Kitaaboonni Isaa arra mana Kitaabaa hunda keessatti argaman. Aalimni Kitaaba Isaa manaa hin qabne akka waan hin jirreeti. Sunniin fatwa Ibnu Teymiyyaatiin hin gammadiin akka waan hin jirreeti. Rabbiin abbaa fedheef beekkumsaa fii hikmaa kenna. Ibnu Teymiyyaa Rabbiin Jaalala ilma namaallee itti hin qusanne. Adunyaan Sunnii guutuun Isa ni jaalatan. Kitaabni seenaa Isaa dubbatu kuma 1 oliitu barreeyfame.

Barattoonni Isaa qoftii Beekkumsa Isaatiif ragaa ni bahan. Darasoota Isaa keessaa Imaam Ibnul Qayyim Al-Jawzii fii Imaam Az-Zahbii dubbachuun ni gaha.

Kitaaboonni Isaa hedduudha, Sanirraa:

• Aqiidatu Al-Waasixiyyaah (Aqiidaa Ahlus-Sunnaah maal akka taate keessatti Ibsa.) Afaan Oromootiin Jafar Bayaan nama je’amuun hikkamee jira.

• Raf’ul Malaam Anil A’imatil A’alaam (Imaamman Islaamaa kabajaa Isaan qaban Ibsa)

• Majmuu’ul Fataawaa (Jaldii ykn Volume 35)

• Al-Furqaan Beyna Owliyaa’I Rahmaan wa Owliyaa’I Sheeyxaan. (Kitaabni kun wanni irraa dubbatu Awliyaan Rabbii eenyu? Maaliin beekan? Awliyaan Sheeyxaanaa eenyu? Maaliin beekan?)

• Minhaaju Sunnaati An-Nabawiyyaah. Kanaa fii kan biroo Kitaaboonni
Isaa hedduudha.

DU’A SHEEKHUL ISLAAM IBNU TEYMIYYAA

Bara 728 Hijiraa Sheekhul Islaam Ibnu Teymiyyaan Damashqitti Ibnu Arabii
Filoosoofara je’amu Kaafira tahuu Isaa Quraanaa fii Hadiisaan waan addeeyseef Suufiyyaan Ibnu Arabii jala deeman akka hidhamu godhanii mana hidhaa seene. Ibnu Teymiyyaan Kitaaba akka hin dubbifnee fii akka kitaaboota hin arganne godhamee ture. Garuu Sheekhul Islaam Ibnu Teymiyyaan Kitaaboota qara’e hunda mataa Isaa keessaa waan qabuuf mana Hidhaa keessa taa’ee Kitaaboota hedduu barreeysaa ture. Mana hidhaa keessatti badii malee hidhamee achuma keessatti du’e. Awwaalcha Isaa irratti Hawaasni Damashqii kuma dhibbaa ol tahu bahee awwaale. Sheekhul Islaam Ibnu Teymiyyaan Adunyaarraa galus dalagaan Isaa hanga guyyaa qiyaamaa Muslimoota fayyada. Kitaaboonni Isaa arrallee Adawwii Islaamaa hunda bochiisaa, saaxilaa jira. Muslimootaaf qajeelloo fii bakka itti deebi’an tahee itti fufa. Ahbaashiin Sheekhul Islaam Adunyaan Maqaa Sheekha Islaamaa jettuun yaamtu kana Sheekhni Isaanii kan Maqaa “Sheekhul Fitnaa” Sheekha Fitinaa jechuun beekkamu Kaafira jechuun arrabsa. Rabbiin abbaa fedhe beekkumsaan ol qaba.

Ibnu Teymiyyaan Sheekhul Islaam je’amee yaamamuu hanga guyyaa Qiyaamaa itti fufa. Abdullaahi Hararii Sheekhul Fitinaa jechuun yaamamuun Isaa itti fufti. Kunoo akkatti Rabbiin abbaa fedhe qajeelchee abbaa fedhe jallisa.

Mee yaa obboleessa/ttii tiyya sadarkaa haala toluun namaaf qabdu hadiissan armaan gadii kanarraa hubadhu Irra guddaan namni muslimaa ittiin beekkamu haala toluudhaani.

وعن عبد الله بن عمرو بن العاص رضي الله عنهما، قَالَ: لَمْ يكن رسولُ الله صلى الله عليه وسلم فَاحِشًا وَلا مُتَفَحِّشًا، وكان يَقُولُ: ((إنَّ مِنْ خِيَارِكُمْ أحْسَنَكُمْ أخْلاَقًا)). متفقٌ عَلَيْهِ.
Ergamaa aalama (saw) kunoo akkana jedhan 《irraa caalaan keessaa,irra tolaa haalaati》

وعن أَبي الدرداءِ رضي الله عنه أن النبي صلى الله عليه وسلم قَالَ: ((مَا مِنْ شَيْءٍ أثْقَلُ في مِيزَانِ العبدِ المُؤْمِنِ يَوْمَ القِيَامَةِ مِنْ حُسْنِ الخُلُقِ، وَإنَّ الله يُبْغِضُ الفَاحِشَ البَذِيَّ)).
Ammaas akkana jedhan 《guyyaa qiyaamaadhaa wanti haala toluurra mizaana namaaf ulfeessuu takkalleenu hin jirtu,rabbiin nama faahisha baalageedha jibba》

وعن أَبي هريرة رضي الله عنه قَالَ: سُئِلَ رسولُ الله صلى الله عليه وسلم عَنْ أكثرِ مَا يُدْخِلُ النَّاسَ الْجَنَّةَ؟ قَالَ: ((تَقْوَى اللهِ وَحُسنُ الخُلُقِ))، وَسُئِلَ عَنْ أكْثَرِ مَا يُدْخِلُ النَّاسَ النَّارَ، فَقَالَ: ((الفَمُ وَالفَرْجُ)).
Ammaas gaaf tokko ergamaan keenya (saw) ni gaafatame dalagaa guddoo jannata nama seensifturraa duuba akka jedhaniin《sodaa rabbii qabaachuufii haala toluudha》ammaas irraa guddoo waan ibiidda nama seensistuu irra gaafatamnaan akkana jedhaniin 《afaan(arrabaa ) fii farjii(qaama saalaati) 》
ا
وعنه، قال: قَالَ رسول الله صلى الله عليه وسلم: ((أكْمَلُ المُؤمنينَ إيمَانًا أحسَنُهُمْ خُلُقًا، وَخِيَارُكُمْ خِيَارُكُمْ لِنِسَائِهِمْ)).
Ammallee akkana jedhan《irra guutamaan mu’minaa gama iimaanatitti nama haala tolu, filataam keessan kanuma haadha manaa isaatiif filatamaati(isii biratti jaalatamu)》

وعن عائشة رضي الله عنها، قالت: سَمِعْتُ رسولَ الله صلى الله عليه وسلم يقول: ((إنَّ المُؤْمِنَ لَيُدْرِكُ بحُسْنِ خُلُقِه دَرَجَةَ الصَّائِمِ القَائِمِ)).
Ammallee akkana jedhan《mu’minni haala toluun isaa sadarkaa nama guyyaa soommanuu kan halkaan dhaabbatuu (salaataan) titti qixxeessiti》

Haala toluun
             :irra caalaa namaa sitaasisti
             : miizaana siif ulfeessiti
             :jannata nama geessiti
             :guutamuu iimaana keeti agarsiifti
             :jannataa keessati irra dhihaata ollaa ergamaa rabbii (s.a.w)  si taasifti
             :sadarkaa nama halkan salatu guyyaa soommanutiti siqixxeessiti
●ergamaan keenya gaafa ergama haala gaarii guutuuf ergame,nama hundarra nama haala tolu ture,
■HAALA GAARII QABAACHUUN MALLATTOO ISLAAMUMMAATI
■HAALA GAARII QABAADHU

AS WR WB IKHWAANII FILLAAH
Hedduu waan barchiisaati dubbisi hin hifatin
○Diin islaamaa keessatti hiriyyaa filachuun bakka guddaa qabdi.
Yoo hiriyyaa gaarii hiriyyaa godhatte milkoofte
Yoo hiriyyaa badaa saahiba gidhattee ammok faallaa karas milkii gortee jirta
Rabbiin(sw) waa’ee nama hiriyyaa badaa saahibee hoongaahee yeroo dubbatu akkana jedha
Al-Furqan 25:28

》》يَٰوَيْلَتَىٰ لَيْتَنِى لَمْ أَتَّخِذْ فُلَانًا خَلِيلًا 《《
《《Yaa badii tiyya osoon abaluu san hiriyyaa godhachuj baadhee》》
Al-Furqan 25:29

《《لَّقَدْ أَضَلَّنِى عَنِ ٱلذِّكْرِ بَعْدَ إِذْ جَآءَنِىۗ وَكَانَ ٱلشَّيْطَٰنُ لِلْإِنسَٰنِ خَذُولًا 》》

《《Dhugumatti na jallisee eega inna natti dhufee booda zikriirraa.  Sheeyxaanniniis namaaf slphisaa taee jira》》Ergamaa aalamaa kkas jedhan.

وعن أَبي سعيد الخدري رضي الله عنه عن النَّبيّ صلى الله عليه وسلم قَالَ: ((لا تُصَاحِبْ إلا مُؤْمِنًا، وَلاَ يَأْكُلْ طَعَامَكَ إلا تَقِيٌّ)). رواه أَبُو داود والترمذي بإسناد لا بأس
《Hin saahbin mu’minalee,hin nyaachisin nyaata kee nama sodaa rabbii qabu malee》
Yaa ikhwaanii maalif osoo muuminni jiruu kaafira saahibna.
Osoo gaariin jiruu ajaa maalif hiriyyaa godhanna
Osoo hiriyyaan masjiida na geessu jiruu maalif kan bakka zinaa,bakka hannaa,bakka hamii nu geessu saahibna.
Itti yaaduu qabna rabbiin hiriyyaa gaarii nuhaa waffaquu.
Ammas ergamaa rahmaa (saw) akkana jedhan.

وعن أَبي هريرة رضي الله عنه أن النَّبيَّ صلى الله عليه وسلم قَالَ: ((الرَّجُلُ عَلَى دِينِ خَلِيلِهِ، فَليَنْظُرْ أَحَدُكُمْ مَنْ يُخَالِلُ)).
《Namni haaluma(diinuma) hirriyyaa isaa irratti jira. Tokkoon keessaan nama hiriyyaa godhata haa ilaallattuu(filatuu)》
☆hiriyyaan gaariin gaarii nama taasisa
☆hiriyyaan hattuun hattuu sitaasisa
☆hiriyyaan masjiida oolu masjiida si oolcha
☆kan bakka zinaa bulu achuma sibulcha
■duuba hiriyyaan gaariin sababa isaatiin rabbiin si milkeessuutu mala
■ammas sababa hiriyyaa badaatiin rabbiin sihoongeessa. Ammaas ergamaan khaaliqaa akkaas jedhan

وعن أَبي موسى الأشعري رضي الله عنه أن النَّبيّ صلى الله عليه وسلم قَالَ: ((المَرْءُ مَعَ مَنْ أَحَبَّ)). مُتَّفَقٌ عَلَيهِ.
《Namni namuma jaalatee wajjin ta’a jedhan》
Kanaafuu yaa ikhwaanii 
Hiriyyaa haa filannuu:
●kan diin isaa jabeessu
●kan haala tolu
●kan masjiida deddebiu
●kan mu’mina tae
●kan ergamaan keenya(saw) nuuf dhaman san haa filannuu
Dubbii hiriyyaa filachuu tun waan akkaan itti yaaduun barbaachisaati.
Rabbiin hiriyyaa gaarii nuhaa waffaqu
              Hiriyyaa wajjiin milkoofnu
              Hiriyyaa diin irra barannu
            Hiriyyaa haala gaari irra barannu
          Hiriyyaa duniyaa qofaa miti aakhirattillee hiriyyas waliif taanu rabbiin akka naafii isiiniif kennuu duaaiidhaan haa walbira dhaabbannuu.

Yeroon Rabii’al Awwal; wagga 7ffaa hijiraa keessa duula Zaati Riqaa jedhamuun beekamuutu ture. Nabiyyii Muhammed “ﷺ” fi Sahaaboonni duula kana irraa deebi’anii osoo karaa adeemanii iddoo wayiitti boqachuu barbaadan. Yeroo kana sahaaboonni muka gaaddisa bareedaa qabu tokko Rasuulaaf “ﷺ” dhiisanii isaanis naannawa sanatti muka biraa barbaaddatanii addaan faffaca’anii iddoo gaaddisa isaaniif qabu cicciisan.
Ergamaan Rabbiitis “ﷺ” Seeyfii isaanii mukicha jala ciisan kana irratti fannifatanii ciisanii akkuma shilimsaniin (hirriibni isaan fudhateen) Namtichi mushrikaa (Namni muslima hin ta’in) Kan Ghowras Ibnul Haaris jedhamu; kan muslimoota kana irra miidhaa geessisuuf isaan faana bu’ee adeemaa ture tokko dhufee, gara iddoo muka Rassuulli “ﷺ” jala ciisanii adeemuudhaan seeyfii isaanii iddoo itti rarraafamte irraa gad buusee; Morma Rassuulaa “ﷺ” irratti qabuudhaan akkana jedheen:-
–
“Eenyuutu sirraa na dhoorka?”
–
Rassuulliniis “ﷺ” (hirriiba isaaniirraa dammaqanii) “Allaah jabaatee ol taheetu (narraa si dhorka)” jedhaniin.
–
Yeroo kana Seeyfiin namticha harkaa lafatti kufte, Rassuulliniis “ﷺ” seeyfii tana fudhatanii (akkuma namtichi godhe sana morma isaa irratti qabuudhaan) “Eenyuutu sirraa na dhoorga?” Jedhanii gaafatan.
–
Namtichi baadiyyaa kuniis “Atummaan irra caalaa nama seeyfii qabatee ta’i (malee namni si narraa dhoorgu hin jiru)” jedhe
–
Rassuulliniis “ﷺ” ‹‹Allaah’n malee haqaan gabbaramaan akka hin jirre Ragaa ni baataa?›› jedhe
–
Namtichiniis: ‹‹Lakkii kana ragaa hin bahu. Garuu (kana booda) akkaan si hin waraannee fi ummata si waraanu wajjiinis akkaan hin taane waadaan siif gala.›› jedhee gad lakkifame. Sana booda Namtichi mushrikaa kun achii deemee yeroo ummata isaa bira dhaqu ummata isaatiin:-
–
‹‹Dhugumatti Irra caalaa ilma namaa biraayiin gara keessan dhufe.›› jedheen.
–
Sana booda osuma hin turin isaa fii ummanni isaatiis fedhii fi kaka’umsa mataa isaaniitiin gara amantii islaamaatti seenan.
***
Nabiyyii humnaan amantii babal’isu osoo hin taane; Nabiyyii nama isa ajjeesuuf dhufeyyuu akkanatti dhiifamaan gad lakkisu qabna. Alhamdulillaah! Kan amantii islaamummaa babal’isees jaalalaafi namaaf dhiisuu kana malee humnaa miti.
√ Mee Ergamaa Rahmataa Kana Irratti Salawaata Buusaa
Sallallaahu Aleeyhi Wassallam

Bara Nabi Muhammad S.A.W Keessa Sahaabaa Beekamaa Tokko ‘tu Ture
Sahaabota Hunda Isaanii Caaluun Heddumminaan Namni Hadiisa Rasuulaa Odeesse Isa Ture

1. Maqaan Inni Ittiin Beekamu Abu Hureyra Dha Abu Hureyra ‘n Yeroo Amantii Islaamaa Qeebalan Ilmaanis Haadha Manaas Hin Qabu Ture Kan Inni Jiraatu Haadha Isaa Waliini Garuu Haati Isaa Kun Hordoftuu Amantii Islaamaa Hin Turre Kanaaf Abu Hureyra ‘n Akka Haati Isaa Kun Amantii Islaamaa Fudhattee Addunyaa Fi Aakhiraatti Milkooftuuf Hundaa Ol Yeroo Mara Du’aa’ii Godhaafii Ture Kana Malees Yeroo Mara Dhugummaa Islaamaa Haadha Isaa Kanaatti Lallabaa Ture Maal Godha Garuu Haati Isaa Kun Amantii Islaamaa Fudhachuuf Eeyyamamtuu Hin Turre
Guyyaa Tokko Abu Hureyra ‘n Cina Haadha Isaati Taa’ee Tokkichummaa ALLAH Fi Ergamummaa Nabi MUHAMMAD (saw) Akka Amantee Islaamummaa Fudhattu Gaafate Haati Isaa Garuu Diddaa Ishii Agarsiisuun Dabalataanis Nabi Muhammad ‘n Arrabsite

Abu Hureyra ‘n Dubbii Haadha Isaatti Dallanuun Boo’aa Gara Mana Nabi Muhammad Deeme Nabi Muhammad S.A.W Abu Hureyra Argee “Maaliif Boossa?” Jedhee Gaafate Abu Hureyra ‘nis “Gara Amantii Islaamaa ‘tti Waamichan Haadha Kiyyaaf Godhe Guyyaa Tokko Illee Addaan Kutee Hin Beeku Garuu Haati Kiyya Yeroo Mara Diddaa Fi Jibbaa Malee Tole Naaf Jettee Hin Beektu

Har’as Akkuman Bardhe Taasifadhe ALLAH ‘n Tokkicha MUHAMMAD Ergamaa Allah ‘ti Jedhii Muslima Ta’i Jedhee Yeroon Waamu Na Harkaa Qeebaluu Didde Daangaa Dabartee Jecha Isiniif Hin Malle Yeroo Isheen Jettu Dallansuun Niin Boo’e Kanaaf Yaa Ergamaa Rabbii Maaloo! Haati Kiyya Muslima Akka Taatu Du’aa’ii Naaf Godhaa” Jedhee Boo’icha Isaa Xumure

Rasuullis Haati Abu Hureyra Akka Muslima Taatu Du’aa’ii Godhaniif Abu Hureyra ‘nis Gara Mana Haadha Isaatti Qajeele Balbala Banatee Yeroo Seenu Haati Isaa “ALLAH Malee Gooftaan Haqaan Gabbaramu Akka Hin Jirree Fi MUHAMMAD (SAW) Ergamaa Fi Garbicha Allah Akka Ta’an” Ragaa Ba’uun Gara Amantii Islaamaa Akka Seenan Ilma Isaanii Abu Hureyra ‘f Yeroo Ibsan Abu Hureyra ‘n Gammachuu Daangaa Darbe Gammaduun Oduu Simbirtuu Kana Jaalallee Isaa Nabi Muhammad ‘f Qooduuf Gara Mana Nabi Muhammad ‘tti Saffisaan Deebi’e “Yaa Ergamaa Rabbii Oduu Dansaa Tokko Qabadheen Dhufe Rabbiin Dhugaatti Kadhaannaa Keessan Isinirraa Qeebalee Jira Haati Abu Hureyra Karaa Islaamummaa Filattee Jirti” Jechuun Immimmaan Gammachuu Isaa Dhangalaase
#MaashaaAllah

👌 Akka Seenaa Kana Irraa Hubannetti Abu Hureyra ‘n Haqa Haadha Isaa Guutuuf Osoo Hin Ifatin Halkaniif Guyyaa Qabsaa’e
Qabsoo Isaa Kanas Rabbi Bilaash Hin Balleessine Haati Kabajamtuun Kun Akka Isheen Addunyaaf Aakhiraatti Hin Kasaarre Bilisa Baasee Jira.

Jireenya keessatti namni dadhabaa waan ta’eef fedhii isaatiin qoramuun daandii qajeelaa irraa daba. Daandii qajeelaa irraa yommuu dabuu rakkoo baay’een isa
muudata. Rakkoolee kanniin keessaa: jireenya keessatti gammachuu fi kabaja dhabuu, sooranni isaa itti dhiphachuu, sodaa fi gaddaan guuttamuudha. Namni daandii haqaa irraa erga jallatee adabbiif of saaxilee booda, karaan adabbii kana jalaa itti bahuu danda’u tawbadha.

Hiikkaa Tawbah fi istighfaaraa

Jechi Tawbah ja’u jecha taaba ja’u irraa kan horsifameedha. Taaba jechuun “deebi’e” jechuudha. Akka shari’aatti “Tawbah jechuun ajaja Rabbiitti buluu diduu fi badii hojjachuu irraa gara Isaaf ajajamuu fi qajeelcha Isaa qabachuutti deebi’uudha.[1]”
Jechi Istighfaar ja’u maxxantuu isti- fi xumura “ghafara” jedhu irraa kan ijaarrameedha. Maxxantuun “ist-“ jettu hiika “barbaadu, gaafachu, kadhachuu” qabdi. Ghafara jechuun “araarame” jechuudha. Kanaafu, ist- fi ghafar yommuu walitti dhufan hiika “araarama barbaadu” qaba. Kanaafu, Istighfaara jechuun araarama barbaadu ykn kadhachuudha.

Araarama jechuun Rabbiin dogongora namaaf dhoksuu, badii namarraa haaqu fi gara fuunduraatti nama adabu dhiisudha.[2]” Nama du’een “Rabbiin isaaf haa araaramu” yommuu jennu, Rabbiin badii isa irraa haa haaqu, adabbii irraa isa haa baraaru jechaa jirra. Rabbiin rahmata isaaf haa godhu yommuu jennu immoo “Rabbiin adabbii irraa isa baraarun Jannata isa haa qubsiisu” jechuu keenya.

Kanaafu, namni Rabbiin irraa araarama barbaadu wantoota sadii barbaadaa jiraa jechuudha. Isaaniis:
Rabbiin badii isaaf dhoysuu, wanta badaa badii san irraa dhalatu isarraa haqun nama qulqulluu isa taasisu fi Aakhiratti adabbii jalaa isa baraarun Jannata seensisuudha.
Gabaabumatti tawbah jechuun badii irraa buqqa’un gara Rabbii ol ta’aaf ajajamuutti deebi’uudha. Istighfaara jechuun araarama kadhachuudha.

Waraana isaa kan akkaan isatti dhihaatu yaameti.. farda nuuf qopheeysi ja”en… akka namni nun beeyne taaneeti magaala keessa yaanaa ja”en…

isaa fi waraanni isaatis haala namni isaan hin beeyneen magaalaa keessa deemutti seenan.. Osoo deemutti jiranii janaazaa takka tan karaa istaanbuul keessatti darbamte teeysurra dhufan.. ta nama isii fuudhu hin qabne.

Sulxaanni : janaazaan tun tan eenyuuti ja”eti ummata gaafate.!! Gurbaa zinaa godhu kan farshoo dhugu ja”aniin ilmaanii fi warraas hin qabu jaartii takka malee nama isa awwalu hin qabu ja”aniin ummanni…
Sulxaanni : inni ummata muhammadi (saw) hin taanee ja”eti lallabe booye..!!!!!!!!!

waraana isaa yaameeti janaazaa tana baadhachutti na gargaaraa ja”eni gara jaartii isaa baadhatanii mana geeysan..
Yeroo ol seensisan jaartiin isaa hedduu booche.!!!

#mootichi ajaa”ibeeti : maalif boocha inni nama farshoo dhuguu fi zinaa dalagu ka tahe. Jiru ja”en. Jaartiin isaa akka mootii tahe isan beeytu…

Jaartiin : eenyutu akkana ja”a jatteen ,jaarsi kiyya nama akkaan rabbi gabbaru fi nama duniyaa irraa dantaa hin qabneedha jatteen.. Jaarsi kiyya farshoo bitee fideeti sagaratti gad naqee.. Alhamdulillaah dardara islaamaatirraa badii laaffise ja”a.
Dhalaa zinaa dalaydu mana fideeti mallaqa kanneefi deemi mana keetitti deebi”i ja”an…
Eegana alhamdulillaah dardara islaamaatirraa badii laaffise ja”a..!!

Kaniin isaan ja”un tahe : namni dalagaa irratti nama laala Yoo duute nama si dhiqe si awwaalu hin arkattuun ja”an.!! Kofleeti.. suleeymaan al qaanuni Fi ulamaa”oota islaama gurguddaatu narratti salaata naan ja”a jatten jaartiin isaa.!!

sulxaanni  booyeeti Wallaahi kunoo suleeymaan al qaanuunin ana ,cufa muslima wali qabeetin isa dhiqee kafanee akka isa awwaalan godha ja”en..!!

sulxaanni waraana isaati fi ulamaa”in hundinuu akka irratti salaattu ajajee.. akkasuma qabrii mootonnii islaama kessatti awwaalamanitti akka awwalamu ajaja dabarse..!!

ajaja mootichaa namuu godhaniiti irratti salaatan.. Seenaa kessatti janaazaa namni hedduun irratti salaatan taate…

Gorsa seenaatirraa:
Nama gubbaa laaltee hin jibbin ykn hin jaalatin.

Sahaabaan hadiisni kun irratti naanna’u kun sahaabaa guddaa dha. Hariiroon isaa Nabii Muhammad ﷺ waliin baay’ee cimaa fi dhihoodha. Akkasumas inni warra jalqaba Islaamummaa fudhatan keessaa tokko, warra seenaa amantii kana keessatti waan hedduu jalqaba ta’an galmeessisan keessaa isa tokko.

Inni hariiroo kabajamtuu lama walitti qabaan Nabii Muhammad ﷺ waliin. Tokko, inni ilma intala obboleettii abbaa ergamaa rabbiiti (ilma adaadaa isaati) dha; haati isaa Umaymah bint Abd al-Muttalib, isiinis adaadaa Nabii Muhammad ﷺ ti. Gama biraatiin immoo inni soddaa ergamaa rabbiiti; obboleettiin isaa Zaynab bint Jahsh jaartii Nabii Muhammad ﷺ turte, isiinis haadha mu’miniintotaa keessaa isii takka.

Inni akkasumas gama jihaadaatii fi qindoomina waraanaa keessatti dursa qaba ture; inni nama jalqaba Islaama keessatti alaabaan (liwaa’) itti kennamuu ture.

Inni sahaabaa kabajamaadha: Abdullah ibn Jahsh al-Asadi dha.

Abdullah ibn Jahsh al-Asadi yeroo dheertuu dura Islaamummaa seene; osoo Nabi Muhammad ﷺ mana Daar al-Arqam bakka da’waa itti godhe san hin dhaqin duraahuu Islaamummaa fudhate. Kanaaf inni warra jalqaba Islaamummaa fudhatan keessaa isa tokko, warra jalqaba alaabaa iimaanaa baadhatan keessatti ni lakkaa’ama.

Yeroo Nabii Muhammad ﷺ Muslimootaaf gara Madinah hijraa (baqannaa) godhuu hayyame—amanti isaanii tikfachuuf jecha rakkoo fi cunqursaa Quraysh irraa dheessuuf—Abdullah ibn Jahsh al-Asadi warra dura fudhatan keessa ture. Haa ta’u malee, inni nama lammaffaa hijraa godhe ture; kan isa dura godhe tokko qofa, inni immoo Abu Salamaadha.

Hijraan isaaf waan haariya hin turre, yookaan muuxannoo haariya jireenya isaa keessatti hin turre; inni duraanuu maatii isaa keessaa gariin wajjin gara Al-Habasha hijraa godhee ture, amantii isaa tikfachuuf jecha cunqursaa irraa baqachuuf.

Garuu hijraan isaa gara Madinah bal’ina caalaa fi bu’aa guddaa qabdi turte; maatii isaa hunda—ijoollee, firoota, dhiiraa fi dubartoota, gurguddoo fi xixiqqoo—waliin ba’e. Hanga manni isaa guutuun mana iimaanaa ta’ee mul’atutti, qabeenyi isaa immoo qabiilaa Islaamaa fakkaatee mul’ate.

Akkuma isaan Makkah irraa ba’anitti, haalli manneen isaanii ni jijjiirame; manneen sun duwwaa fi onnee nama nyaatu ta’an, qilleensi keessa isaanii bubbisa, hulaan isaaniis sagalee sodaachisaa dhageessisuun sosso’a, akka waan maatiin isaanii isaan dhiisanii deemanitti booyan fakkaatu.

Yeroo gabaabaa booda, hooggantoonni Quraysh keessaa gariin naannolee Makkah keessa naanna’anii ilaaluuf bahan; Muslimoota keessaa eenyutu hafee fi eenyutu deeme adda beekuuf. Isaan Abu Jahl fi Utbah ibn Rabi’ah turan.

Yeroo Utbah ibn Rabi’ah manneen warra Banu Jahsh duwwaa fi qilleensi keessa isaanii bubbisu argutti, Abu Jahl tuqee akkana je’e: “Manneen isaanii duwwaa ta’ee jira; akka maatii isaaniitti booyu jiran fakkaatu.”

Abu Jahl immoo itti deebisee, akka jabinaa fi akkasumas jibbiinsaan: “Eenyu ta’aniiti isaan manneen isaaniitiis kan isaaniif booyan?!” je’e.

Ergasii hojii isaa irra darbe; harka isaa mana Abdullah ibn Jahsh al-Asadi irratti kaa’e. Manichi Makkah keessatti mana bareedaa fi qabeenyaan guddaa tokko ture. Innis keessa fi qabeenya isaa akkasitti ofii isaatii abbaa itti ta’ee fayyadamuu eegale, akka qabeenyi kan isaa ta’etti.

Yeroo Abdullah ibn Jahsh al-Asadi haala isaa Nabi Muhammad ﷺ tti himu, Nabiin isa tasgabbeesse; bakka bu’ummaan guddaan isaaf akka kennamu waadaa seeneef. Innis hayyee je’een: “Akka hin gammadinitti, Rabbiin mana kana bakka busuun mana Jannataa tokko siif haa kennu?” Inni immoo “Aammin” je’e. Nabiinis “Inni siif ta’ee jira” je’een. Kana booda qalbiin isaa tasgabbooyte, onneen isaa immoo nagiya arkatte.

Inni Madiinaa keessatti tasgabbaa’uu jalqabuun dura, rakkoo fi dadhabina hedduu isa mudateen booda boqonnaa argachuu hin dandeenye; qormaata guddaa tokko itti dhufe, kan jireenya isaa keessatti isaaf hamaa ture keessaa isa tokko.

Nabii Muhammad ﷺ sahaabota isaa saddeet hojii waraanaa keessaa tokko, kan Islaama keessatti akka dura ta’aa ta’uuf, filate. Isaan keessa Abdullah ibn Jahsh al-Asadi fi Sa’d ibn Abi Waqqas turan. Nabiin sahaabootaan akkana je’e itti hime: “Ani isinirratti namoota beelaa fi dhugaatii irratti obsa qabaniin godhe” je’een. San booda Abdullah ibn Jahsh al-Asadi isaan irratti amiirummaan kennamteef; inni nama jalqaba amiirummaa waraana Muslimoota irratti argate ture.

Abbaan guyya takka ilma isaatti kiisha mismaara guutuu qabu tokko itti kannee akkana ja’en “Yaa ilma kiyya cufuma nama dhooytee takkaahu nama xiqqeysite ykn arrabsite cufaahuu gara muka ooyruu keessa jiruu San deemi mismaara tokko irradhawi ja’en”

#Ilmi kun maalif akka abbaan isaa kana isarraa barbaade hin beeku garuu qaalii abbaa isaa godhuu itti fufe… Cufuma nama miidhe,takkahu nama aarse hunda mismaara tokko deemeti mukarratti dhawa..

#osuma yeroon deemtuu mucaan kun lubbuu isaa beeke hanga mismaara duraan dhawu San gad xiqqeeyse… hanga guyyaan inni mismaara tokkolle mukarratti hin dhawin dhufutti.. Amma mucaan gammade kara abbaa isaa deemee itti hime waan dalage kana …

Abbaan isaatis akkana ja’en “Gaaridha yaa ilma kiyya ati ammaan tana nama lubbuu teetirratti murteysuu dandahuu ja’en garuu dalagaan tee ammallee hin dhumne ja’en”
Mucaan ajaibeti ammahoo maalin dalaga yaa Abba kiyya ja’en…

“Cufuma guyyaa ka nam takka hin cinqin hin miidhin hin rakkin deemi mismaara duraan mukarratti dhooyte San buqqaasi ja’en..”

Mucaan ammaas guyyuu mismaara San buqqaasu eegale hoggaa nam takkallee hin cinqin Hanga guyyaa mismaara dhumaa buqqaasu gahutti… Amma mucaan gammade kara abbaa isaa dhufee itti hime…

#abbaanis yeroo dhagahe isa fuudhee gama mukaa San geeysee akkana ja”en… “Gaaridha yaa ilma kiyya ati ammaan tana nama lubbuu saa qofarratti murteeysu osoon tahin nama gaarii nam takkallee hin cinqinee taate jirta jaen.. Garuu yaa ilma kiyya uraa mukarratti hafte laalii ja’en
Mismaara mukarra jiruu buqqaasuu dandeeysee jirta garuu uraa San dhabamsiisuu hin dandeenye ja’en…
Ilmi namaatis akkuma kana yaa ilma kiyya yeroo isaan miite qalbii isaanii kessatti akka nama mismaara dhaweeti… dhiifama gaafattee mismaara San baasu ni dandeeysa garuu uraa mismaara San dhabamsiisuu hin dandeeysu… laalaan yeroo hunda nama sanitti dhagahamaa deemti…  TANAAF Yaa ilma kiyya jechaan tahuu hojiin tahuu nama hin rakkin madaa San haquu hin dandeeysu…