Maatii kabajamtuu irraa Makkaa kheeystti dhalate. Gostii Isaa Araba kheeysatti warra sadarkaa qabu, kabajamoodha. Rasuulli sallallaahu aleeyhi wasallam waa’ee Isaa irraa hoggaa dubbatu akkana je’e: “Rabbiin Ilmaan Ismaa’iil irraa Kinaanaa file, Kinaanaa irraa Qureeyshii file, Qureeyshii irraa banii Haashim file, Ana banii Haashim kheeysaa na file.”
Abdullaahi ilmaan Abdul Muxxalib kheeysaa quxusuu. Abdullaahi Amiinaa bint Wahab fuudhe. Erga fuudhee baatii muraasa Booda Daldalaaf gama #Shaam bahe. Osoo Shami Deebi’u Madiinaatti dhukkubsatee du’e. Amiinaan Ilma garaa qabdu wajjiin jaarsa Isii Abdullaahi arra gala, boru gala jettee osoo eydu du’a Isaa dhageeyse. Muhammad sallallaahu aleeyhi wasallam Makkaatti akkuma aadaatti dhalate. Wanni Addaa kan hoggaa inni dhalate tahee fii argame hin jiru ture.
Barri dhaloota Isaa Amata Mooticha Habashaa Makkaatti duule kheeysa hoggaa tahuu bara Arbaa jechuun beekkama. Sababaan bara Arbaa ja’anii Waggaa san moggaasaniif waraana Abrahaa kan Ka’abaa jiiysuuf duule kheeysa Arbi jira. Bara 570 dhaloota Iisaa irraa, baatii Rabii’u Al-Awwal, guyyaa 12ffaati dhalate jechuun irra hedduun warra siiraa gabaasan.
Guyyaa dhaloota Isaatiin wal qabatee Ibaadaan addaa tan godhamtu Islaama kheeysatti karaa qajeelaan hin raggaane.
Dhaloota Isaa booda Akaakoon Isaa Abdu Al-Muxxalib Maqaa Muhammad ja’u itti moggaase. Maqaan Muhammad jedhu kuni Araba kheeysatti gaafa san beekkamaa miti. Maaliif maqaa Muhammad ja’u itti baafte jechuun hoggaa gaafatan, Abdul Muxxalib: “Akka Samii kheeysatti Rabbiin Isa faarsuu fii dachii kheeysatti namni Isa faarsuufi” jechuun deebise. Rabbuma biraa maqaan Muhammad Isaaf fedhame jechuu qissaa tanarraa hubanna..
Muhammad jechuun faarfamaa jechuudha.
Akkasitti Nabiyyiin sallallaahu Aleeyhi wasallam kan Abbaan irraa du’e Yatiima tahee dhalate, Yatiima tahee guddate. Rabbiin ammoo Muhammad sallallaahu aleeyhi wasallam irra caalaa Ilmaan namaa Isa godhe.
👌 Allaahum Salli Alaa Muhammad wa Ahli Muhammad
☑️ MEE ERGA DUBBISTEE ERGAMAA KANA IRRATTI SALAWAATA BUUSI