Hadiisa Sahiiha Abuu Zarri Rasuula keenayrraa odeeyse keessatti Rasuulli Rabbii Sallallaahu Aleeyhi Wasallam akkana ja’an “ Gabrichi Rabbii Guyyaa Qiyaamaa hanga waa Afur irraa gaafatamuu miilli isaa Rabbii duraa hin sossohuu ja’an” Hadiisa kana Tirmiiziitu Gabaase.
Wantoonni Afuran Irraa gaafatamuuf teenyu San :…….
1: Umrii Tee Maalirratti Fixxe ?
2: Beekkumsa Kee Maaliin Itti Hojjatte ?
3: Qabeenya Kee Eessaa fiddee eessatti baaste ?
4: Humna tee Maalirratti Fixxe ?
A• Umrii teenya tan Rabbiin Nuuf Kanne tana Guyyaa Qiyaamaa irraa nu gaafachuuf taa’a. Amata hanganaan si jiraachisee maalirratti Umrii tee tana hunda balleessite jechuun, tanaafuu ammumaan Yaa kan dargaggeessaa, Yaa kan manguddoo Umrii teenya kheeyriiratti haa dabarsinuu.
B• Beekkumsa Kee Maal itti hojjatte ja’ee Rabbiin Nu gaafachuuf taa’a, sa beekkumsa kana aakhiraan dalaguuf baratte moo ? Beekhaadha naan haa ja’aniif baratte moo ? Qabeenyaan walitti qabachuuf baratte moo ? Beekkamtii barbaada baratte moo ? Ja’ee Kana hundarraa nu gaafachuuf taa’a. Kanaafuu Yaa namni ilmii qabdu Mee gaafiilee tana hunda if gaafadhuu yoo karaa sirrii irra hin jiraanne toowbadhuu gara Rabbii keetii deebi’ii ilmii Rabbi si barsiiseen hawaasa Kee fayyadi.
C• Qabeenya horattee qabdu kana, ni hatte moo ? Ni saamte moo ? Ribaa nyaatte moo ? Kana hundarraa gaafatamuuf teenya. Kanaafuu Yaa Warra Qabeenya Qabu horii teessan hunda tottoohadhaa haraamirraa qulqulleessaa, yoo Haqni namaa isinitti dabre osuma lubbuun jirtanii firraa baasaa.
D• Humna jabduu Gaafa dardarummaa akkasuma Gaafa gaeessummaa nuuf Kanne tana hunda Rabbiin Guyyaa Qiyaamaa irraa Nu gaafachuuf taa’a. Dhuguma Humna tana namaan tumnee zallamne moo ? Waan badduu karaa gubbaa kaasneen moo ? Nama Humna hin qabne gargaarre moo ? Akkanumatti bilaashitti fiixnee mee hundi keenyaahuu ammuma of haa gaafannuu.
Rabbiin Warra wantoota asii olitti irraa dubbanne kana hunda tiiyfatee Guyyaa Qiyaamaa gaafii jajjabduu San Jalaa Nagaya bahu Nu Haa taasisuu.
Obboleeyyan kiyya barreffama kana ifiifiis dubbisaa, yoo nama fayyada jettanii yaaddan obboleeyyan keessan kan biraatiifiis Share godhaa.
Waan Dubbistaniif Galatoomaa ; Jazaakumullaahu Kheeyran.