Yeroo rabbiin s.w obboleessa kee tokko tolina itti oole, obboleeytii tee takka qananii if biraa irratti dhangalaase, obboleessa kee saniif hiraartee ciisa hin dhabiniif harki rabbii ballaa rahmanni rabbii ballaa harka ilma namaa osoo hin taane harka rabbii namatti kan rahmanni isaa dhuman qabne kan kennaan isaa dhuman qabne, isa harka jirti, isa bira jirti, yoo qalbii qulqulluu qabaatte yeroo obboleessi kee waa arkate masha allah baga arkatte obboleessa kiyya ja’ii gammadiif haasidummaa hinaaffaa hisaabaa baate hinaaftee obboleessa kee sanirraa waa fuudhuu hin dandeessu keessa kee dhukkubsachiistee keessa kee of miitee rabbii kee irraanfachuu malee wanni ati nama tokko kan waa arkateef hinaaftee ciisa dhabduuf ati waanyitu hin jirtu jachuu.
Tanaaf obboleessa kiyya obboleeytii tiyya obboleessi kee tokko yeroo waa arkate obboleeytiin tee takka yeroo waa arkatte ni’imaa rabbii bareedduu takka yoo rabbiin tola isaanitti oole masha allah tabaarakallah ja’ii isaan eeybisi atilleen waan barbaaddu san ganamaa galgala tattaafadhu waan ati barbaaddu waan ati hawwitu san ilma namaa kan qananii rabbiin itti oole san osoo hin tahin rabbii isa saniif kanneetu atiis waan sanii gadii takkaanuu waan san fakkaatu akkasuma ammaas waan sanii olii sirratti arjooma jachuu.
Tanaaf obboleeyyan kiyya yeroo namni tokko waa arkate yoo namni tokko sadarkaan aangoo arkate yoo namni tokko dalagaan tolteefii qabeenyi isaa guddate masha allah tabaarakallah haa jannuu waan harka nama sanii jirurra waan rabbi biratti hafteetu irra guddoodha rabbi s.w la’inshakartum la’aziidannakum yoo na galateeffattan isiniifiin itti dabalaa nuun je’e warra galata wallaale akka hin taane qalbiin tee nagiyaan jiraachuuf iimaanaan qalbii tee ziq gootee jiraachuuf jecha addunyaa tanarraa dantaa dhabuun nagiya si baasti akkasuma waan histii fi haasidummaa if keessaa baasuun nagiya si baasti hanga dandeessetti xiqqoo rabbiin siif kannetti amamfadhuu alhamdulillaahi ja’ii wajjiin jiraadhu.
Shopping Cart