Kabajamtoota hordoftoota website tuji mussa assalaamu aleeykum warahmatullahi wabarakaatu hunda keessan bakka jirtanitti nageenyi rabbii, rahmanni rabbii, jaalalti rabbii guddaa isinirratti haa jiraatu jachaa fedhinnaa rabbii guddaatiin guyyaa arraa wanni irraa dubbannu intaloo warra jannataa tan miilaan lafarra deemtu irraahi dubbana jachuudha, insha allah seenaan intala tanaa akkana.
Gaaf tokko abdallah ibnu abbaas darasticha isaa axaa ibni rabaahi wajjin osoo taa’utti jiruu yaa axaa arraan tana intala warra jannataa tan miilaan lafarra deemtu takkaan si garsiisaa je’een, osuma akkanatti waliin taa’aa jiraniiti intalti tuni halaalarraa deemaa wayta as dhufte, yaa axaa kunoo intaloon reefu sitti hime tan warra jannataatii siin je’e san kunoo isii tanaa laalii je’een, axaa ibni abii rabaahaa ajaa’iba du’e.
Yaa sheekha kiyya abdallah ibni abbaas akkamitti intalti tuni warra jannataa taate, hojii akkam hojjatte, maal daleeydee sadarkaa guddaa kana arkattee jannaan, abdallah ibnu abbaas r.a seenaa irratti odeessuu jalqabe, intalti tun waytaan warra jannataati siin ja’u firraa fuudheeti miti irra caalaa ilma namaa ashrafal khalqiitu akka isiin warra jannataa taate waraqaa ragaa isiif kanne yaa axaa ibni abii rabaah.
Sababni gaaf tokko nuti ergamaa rabbiitii wajji akkanatti taa’aa jiru yaa axaa intaloon tuni deemaa dhuftee je’een abdallah ibnu abbaas axaa ibni abii rabaahaatif odeessuu itti fuufe, osoo taa’aa jirruu rasuula rabbiitii wajjin aleeyhi salaatu wassalaam intaloon tun deemaa dhufte yaa rasuulallah yaa ergamaa rabbii s.a.w dhukkuba gaggabaatiin qabaa, dhukkuba na gaggabsee lafatti na darbuun qabaa rabbiin akka dhukkuba kana narraa kaasu du’aa’ii naaf godhi yaa rasuula rabbii s.a.w jatteen.
Rasuulli rabbii s.a.w yaa intaloo carraa lama qabda je’een nabiin rabbii s.a.w carraan duraa 1ffaa yoo dhukkuba kanarratti sabbarte rabbiin galata kee jannataan siif kanna 2ffaa du’aa’ii siif godhee ammumatti rabbiin dhukkuba kana akka sirraa kaasu rabbiin siif karadhaa je’een nabiin rabbii s.a.w intaloon warra duniyaaf butame hin turre, intaloon warra rabbii wajjin wal qunnamuu jaalaturrahi, intaloon warra qalbiin isii iimaanaan guutamee jirurraahi.
Yaa rasuulallah s.a.w eegaan an oobsee jannata rabbii kaniin arkadhu taate dhukkubni kun narratti haa hafuu niin oobsa akka rabbiin jannata naaf kannu du’aa’ii naaf godhi jatteen, nabiin rabbii s.a.w eebbise ati warra jannataatii deemi je’een, wayta kana intaloo tana keessatti gaafiin takka haftee as deebite yaa rasuulallah s.a.w dubbii takkaatu natti hafe jatteen, maali je’een nabiin rabbii s.a.w.
Yaa ergamaa rabbii waytaan gaggabee lafatti khufu huccuutu narraa saaqamaa huccuutu narraa saaqamee qaamni kiyya mullachuurratti huccuun narraa saaqamtee oowraan tirra mullachuurratti oobsa hin qabu waytaan gaggabee lafatti khufe san akka huccuun tiyya narraa hin saaqamne rabbi naaf kharadhuu akka rabbi na sattaru jatteen waytaan seenaa intala tanaa dubbisu maaltu ajaa’iba natti tahe beeytanii.
Obboleeyyan intaloon tuni wayta gaggabdee lafatti khuftu aqliin isii hin jiru, if quban qabdu waan osoo isiin if quban qabne hojjattu keessatti waan osoo aqliin isii hin jirre irratti dalagamu keessatti rabbiin isiin qabuu beekhe, duboo intala osoo isiin if quban qabne osoo aqliin isii hin jirre qaamni isii mullachuurraa rabbirraa qaanfattu garuu yeroo ammaa dubartii meeqa, shamarran meeqa, osoo fayyaa qabanii, osoo aqliin saanii jiruu beekhaa qaama isaanii mullisanii deeman beekhaa uffata isaan qabu uffatanii deeman intaloo qalbiin isii hin jirre rabbirraa qaanfatte ati yaa obboleeytii islaamaa tan osoo aqliin isii jiruu beekhaa uffata qaama khee qabu uffattee deemtu rabbirraa hin qaanfattuu tana deebisaa siifiin dhiisa.
Nabiyyiin rabbii s.a.w du’aa’ii intala tanaaf godhe duboo wayta gaggabdee lafatti khuftu akka uffanni isii isiirraa hin saaqamne nabiin rabbii s.a.w du’aa’ii godheef, maal ja’an eega nabiin rabbii s.a.w du’aa’ii godheefii asitti wayta intalti sun gaggabdee lafatti khuftu uffanni irraa hin saaqamuu, dhugaan isiin if sattaruu jaalatte sa’aa isiin if quban qabne sa’aa aqliin isii hin jirre keessatti rabbilleen s.w isii sattare, shamarran keenya hunda rabbiin s.w iimaana intala tanaaf kanne isiniif haa kannuu, assalaamu aleeykum warahmatullahi wabarakaatu.